Dinı baılanystar nyǵaıa túsedi

Qazaqstan Respýblıkasy Mádenıet jáne sport mınıstrligi Din isteri komıtetiniń tóraǵasy Ǵalym Shoıkınniń basshylyǵymen qurylǵan delegasııa Túrik Respýblıkasyna jumys saparymen keldi. Sapar barysynda Ǵ.Shoı­kın Túrkııanyń Din isteri bas­qar­masynyń tóraǵasy Mehmet Górmez­ben, «Hasekı» din ortaly­ǵy­nyń basshylyǵymen jáne An­ka­ra, Ystambul, Konııa qala­lar­yn­da ornalasqan din isteri basqar­malarynyń ókilderimen kezdesti. Kezdesý kezinde Qazaqstan men Túrkııa din basqarmalarynyń ókil­deri eki memleket ara­syn­daǵy teo­logııalyq bilim berý baǵy­tyndaǵy qarym-qatynas deńgeıin talqylady. Atap aıtqanda, Túr­kııa Din isteri basqarmasynyń tóraǵasy M.Górmez baýyrlas Qazaqstanmen qarym-qatynasty keńeıtýge jáne nyǵaıtýǵa daıyn ekendigin bildirdi. Sonymen qatar, ol qazirgi tańda Túrkııa aýma­ǵynda 85 myń meshit, 700-ge jýyq teologııalyq lıseı men quran oqyp úırený kýrstary jáne Túrkııa joǵary oqý oryndarynda 100-ge jýyq teologııalyq fakýltetterdiń bar ekendigin habarlady. Joǵaryda atalǵan barlyq meshitterdiń jáne oqý oryndarynyń qyzmetin Din isteri basqarmasynda jumys isteıtin 1000-ǵa jýyq qyzmetker men sarapshy qadaǵalaıtynyn jetkizdi. Sonymen qatar, M.Górmez Túrkııada ımamdardyń memlekettik qyzmetker mártebesine ıe eken­digin jáne olar qajetti áleýmet­tik paketpen qamtamasyz etile­tin­digin aıta otyryp, qazirgi tańda elde memleket tarapynan qar­jylandyrylatyn lıseı men kol­ledj deńgeıindegi dinı oqý oryn­darynda jáne joǵary oqý oryn­darynda teologııalyq fakýl­tetterdiń bar ekendigin málimdedi. Din salasynda jasalǵan qajetti jaǵdaılardyń nátıjesinde halyqtyń dinı saýattylyǵy joǵary ekenin jáne ekstremıstik aǵymdardyń Túrkııa halqynyń sana-sezimine áser etý deńgeıi óte tómen ekenin atap kórsetti. Kezdesý nátıjesinde qazaq­stan­dyq dinı qyzmetkerlerge teo­logııalyq bilim berý jáne basqa da dinı baǵyttar boıynsha eki eldiń vedomstvolar­aralyq qarym-qatynasyn nyǵaıtýǵa baǵyttalǵan hattama daıyndaý jóninde ýaǵdalastyqqa qol jetkizildi. «Egemen-aqparat».