foto: telegram/halyqstan
Vıdeo avtorynyń aıtýynsha, onyń úıindegi terezeler qurylys alańyna qaraıdy eken.
«Búgin tańerteń jaqsy kóńil-kúımen kofe iship qurylys alańyna qaradym. Ústelge otyrsam qurylys kranyna kózim tústi. Sol sátte meniń kóz aldymda kranshy bıiktikten qulap, jaraqat aldy. Oqıǵa ornyna adamdar jınalyp, jedel-járdem shaqyrdy. Men mundaı qaıǵyly oqıǵany buryn sońdy kórgen emespin», deıdi ol.
Astana polısııa departamenti oqıǵany rastap, jaǵdaıǵa qatysty túsinikteme berdi.
«Munaraly krannan túsý kezinde operator bıiktikten qulap, alǵan jaraqatynan qaıtys boldy. Atalǵan fakti boıynsha «Abaısyzda adam ólimine ákep soqqan qurylys jumystaryn júrgizý kezinde qaýipsizdik erejelerin buzý» baby boıynsha qylmystyq is qozǵaldy. Tergeý júrgizilýde, QR Qylmystyq-prosestik kodeksiniń 201-babyna sáıkes qajetti saraptamalar taǵaıyndaldy, basqa málimetterdi jarııa etýge jatpaıdy», dep habarlady baspasóz qyzmeti.
Altynaı ABDYSh,
L.N.Gýmılev atyndaǵy EUÝ stýdenti
