Energetıkany damytýǵa ınvestısııalar

Keshe Úkimet úıinde Pre­mer-Mınıstrdiń bi­rin­shi orynbasary Ba­qyt­jan Saǵyntaev Ekibas­tuz GRES-1, GRES-2 jáne «Almaty elektr stan­sa­sy» AQ sııaqty iri elektr stansalarynyń elektr ener­gııasyn óndirýge shekti tarıfter aıasyn­da ınvestısııalyq baǵdar­la­ma­lardy júzege asyrý má­se­leleri boıynsha keńes ót­kizdi, dep habarlady Pre­mer-Mınıstrdiń baspa­sóz qyzmeti. Keńes jumysyna ortalyq memlekettik organdar, «Samu­ryq-Qazyna» UÁQ jáne energııa óndiretin kásiporyndar basshylary qatysty. Shekti tarıfter paıda­la­nylǵan sońǵy 5 jylda elek­tr energetıkasyna ınvestı­sııa kólemi 5 ese artyp, bar­­lyǵy 700 mlrd. teńgege jýyq qarajatty qurady. Bul ju­mys istep jatqan jalpy qýat­ty­lyǵy 5000 MVt elektr stansalaryn jańǵyrtyp, taǵy 1700 MVt elektr qýattylyǵyn iske qosýǵa múmkindik berdi. 2015 jyldyń sońyna deıin qosymsha 3300 MVt qýattylyq paıdalanýǵa beriledi. Keńes sheńberinde Ba­qyt­jan Saǵyntaev ınvestı­sııa­lyq baǵdarlamalar aıasynda ótkiziletin resýrstar­dy qalpyna keltirý jáne kásip­oryndardyń qýattylyq­taryn damytý boıynsha naqty jobalardy júzege asyrý barysy týraly elektr stansalary basshylarynyń esepterin tyń­dady, sondaı-aq, olardy ýaqtyly jáne sapaly oryndaý boıynsha birqatar tapsyrmalar berdi.