Elbasy, elimiz Qarýly Kúshteriniń Joǵarǵy Bas qolbasshysy Nursultan Nazarbaevtyń bastamasymen «Jeńiske qurmet» atty áskerı-patrıottyq aksııa-marafon ótken jyldyń 30 jeltoqsanynan beri júrip keledi. Aksııa aıasynda óńirlerde ornalasqan áskerı bólimderge «Jeńistiń jalaýyn» tapsyrý estafetasy ótti. Atalǵan aksııa kúni keshe aıaqtalyp, «Jeńis jalaýy» Halyq Qaharmany Saǵadat Nurmaǵambetov atyndaǵy «Jas Ulan» respýblıkalyq mektebiniń ulandaryna tapsyryldy.
Eń aldymen Shyǵys áskerı okrýginen bastaý alǵan aksııa odan keıin Qaraǵandy, Semeı qalalary men Jambyl oblysynyń, sondaı-aq, Qapshaǵaı, Aqtaý, Almaty qalalarynyń áskerı garnızondarynda ótkizildi. Uly Jeńistiń 70 jyldyǵy qurmetine oraı uıymdastyrylǵan sharanyń maqsaty batyrlarymyzdyń eren erligin jas urpaqtyń boıyna sińirý bolyp tabylady.
Aksııa barysynda Qorǵanys mınıstriniń orynbasary Talǵat Muhtarov osydan jetpis jyl buryn dúnıejúzine fashızmnen tóngen qaýipke tótep bere bilgen adamzat osylaısha ómir súrý quqyǵynyń bar ekendigin dáleldedi, degen lebizin jetkizdi. Bul tusta, ol Uly Jeńiske ardagerlerdiń batyrlyǵy, erligi men qajyrlylyǵynyń arqasynda qol jetkendigin qosa aıtyp ótti. «Elimiz Qarýly Kúshteriniń Joǵarǵy Bas qolbasshysy Nursultan Nazarbaev soǵystyń birde-bir kýágeri qalmaıtyn kúnder bolatyndyǵyn, sol sebepti, olardyń urpaqtaryna deıin asa qurmetteý kerek ekendigin aıtyp keledi», dedi taǵy da óz sózinde T.Muhtarov.
Saltanatty aksııaǵa sum soǵysty kózimen kórgen ardagerler shaqyrylyp, olar júrekjardy sózderimen bólisti. 1940 jyly ásker qataryna shaqyrylyp, Máskeý, Smolensk, Kenıgsberg, Berlın qalalaryn basqynshy jaýdan azat etýge qatysqan, qazirgi tańda Astana qalasynyń qurmetti azamaty Abdýrahman Safarov aqsaqal sóz sóıledi.
– Men Máskeýde Almatydan barǵan Panfılovshylar dıvızııasynyń ekinshi qorǵanysynda turdym. Sol dıvızııanyń qaharmandyǵy sizderge, jas ulandarǵa úlgi bolsyn! Qajet bolsa, eldi erlikpen qorǵaı bilińder! Otanǵa abyroıly qyzmet etińder, – dedi Uly Otan soǵysynyń ardageri.
Odan keıin «Jeńis jalaýshasyn» «Jas Ulan» respýblıkalyq mektebiniń 11 synyp oqýshysy, 2012 jylǵy respýblıkalyq ıntellektýaldyq olımpıadanyń jeńimpazy, júzýden sport sheberi jáne birneshe áskerı paradtyń qatysýshysy Aqtóre Estaev qabyldap aldy.
Elimizdiń Qarýly Kúshteri Qurlyq áskerleriniń bas qolbasshysy Murat Maıkeev:
– Búgin Uly Otan soǵysynyń jeńisine arnalǵan aksııany maqtanyshpen aıaqtaımyz. Jastar tarıhty bilýi kerek. Qazaqstannan Uly Otan soǵysyna 12 atqyshtar dıvızııasy, 4 kavalerııa dıvızııasy, 7 brıgada, 50 jeke polk batalondary qatysty. Osyndaı batyrlarymyzdy keleshek urpaqqa úlgi etý úshin Elbasy, Qarýly Kúshterdiń Joǵarǵy Bas qolbasshysy Nursultan Nazarbaevtyń bastamasymen barlyq garnızondarda «Jeńiske qurmet» aksııa-marafonyn uıymdastyrdyq. Qazaqstannyń barlyq óńirinde jalǵasyn tapqan bul sharanyń jastardy patrıottyq baǵytta tárbıeleýde mańyzy zor, – dedi.
Elmıra MÁTIBAEVA,
«Egemen Qazaqstan».
ASTANA.
Eń aldymen Shyǵys áskerı okrýginen bastaý alǵan aksııa odan keıin Qaraǵandy, Semeı qalalary men Jambyl oblysynyń, sondaı-aq, Qapshaǵaı, Aqtaý, Almaty qalalarynyń áskerı garnızondarynda ótkizildi. Uly Jeńistiń 70 jyldyǵy qurmetine oraı uıymdastyrylǵan sharanyń maqsaty batyrlarymyzdyń eren erligin jas urpaqtyń boıyna sińirý bolyp tabylady.
Aksııa barysynda Qorǵanys mınıstriniń orynbasary Talǵat Muhtarov osydan jetpis jyl buryn dúnıejúzine fashızmnen tóngen qaýipke tótep bere bilgen adamzat osylaısha ómir súrý quqyǵynyń bar ekendigin dáleldedi, degen lebizin jetkizdi. Bul tusta, ol Uly Jeńiske ardagerlerdiń batyrlyǵy, erligi men qajyrlylyǵynyń arqasynda qol jetkendigin qosa aıtyp ótti. «Elimiz Qarýly Kúshteriniń Joǵarǵy Bas qolbasshysy Nursultan Nazarbaev soǵystyń birde-bir kýágeri qalmaıtyn kúnder bolatyndyǵyn, sol sebepti, olardyń urpaqtaryna deıin asa qurmetteý kerek ekendigin aıtyp keledi», dedi taǵy da óz sózinde T.Muhtarov.
Saltanatty aksııaǵa sum soǵysty kózimen kórgen ardagerler shaqyrylyp, olar júrekjardy sózderimen bólisti. 1940 jyly ásker qataryna shaqyrylyp, Máskeý, Smolensk, Kenıgsberg, Berlın qalalaryn basqynshy jaýdan azat etýge qatysqan, qazirgi tańda Astana qalasynyń qurmetti azamaty Abdýrahman Safarov aqsaqal sóz sóıledi.
– Men Máskeýde Almatydan barǵan Panfılovshylar dıvızııasynyń ekinshi qorǵanysynda turdym. Sol dıvızııanyń qaharmandyǵy sizderge, jas ulandarǵa úlgi bolsyn! Qajet bolsa, eldi erlikpen qorǵaı bilińder! Otanǵa abyroıly qyzmet etińder, – dedi Uly Otan soǵysynyń ardageri.
Odan keıin «Jeńis jalaýshasyn» «Jas Ulan» respýblıkalyq mektebiniń 11 synyp oqýshysy, 2012 jylǵy respýblıkalyq ıntellektýaldyq olımpıadanyń jeńimpazy, júzýden sport sheberi jáne birneshe áskerı paradtyń qatysýshysy Aqtóre Estaev qabyldap aldy.
Elimizdiń Qarýly Kúshteri Qurlyq áskerleriniń bas qolbasshysy Murat Maıkeev:
– Búgin Uly Otan soǵysynyń jeńisine arnalǵan aksııany maqtanyshpen aıaqtaımyz. Jastar tarıhty bilýi kerek. Qazaqstannan Uly Otan soǵysyna 12 atqyshtar dıvızııasy, 4 kavalerııa dıvızııasy, 7 brıgada, 50 jeke polk batalondary qatysty. Osyndaı batyrlarymyzdy keleshek urpaqqa úlgi etý úshin Elbasy, Qarýly Kúshterdiń Joǵarǵy Bas qolbasshysy Nursultan Nazarbaevtyń bastamasymen barlyq garnızondarda «Jeńiske qurmet» aksııa-marafonyn uıymdastyrdyq. Qazaqstannyń barlyq óńirinde jalǵasyn tapqan bul sharanyń jastardy patrıottyq baǵytta tárbıeleýde mańyzy zor, – dedi.
Elmıra MÁTIBAEVA,
«Egemen Qazaqstan».
ASTANA.
