Úılesimdilik úrdisteri úzilmeıdi

Keshe Memlekettik hatshy Gúl­shara Ábdiqalyqova BUU Da­mý baǵdarlamasynyń Qa­zaq­standaǵy Turaqty ókili Stı­venn Týllmen kezdes­ti. Kezdesýge BUU Damý baǵ­dar­lamasynyń Qazaqstandaǵy Tu­raqty ókiliniń orynbasary Mýnhtýıa Altengerel, Áıel­der isteri jáne otbasy­lyq-demografııalyq saıasat jónindegi ulttyq komıssııa tóraıymynyń orynbasarlary – Parlament Májilisiniń depýtaty Elena Tarasenko men Ortalyq saılaý komıssııasynyń múshesi Lázzat Súleımen qatysty. G.Ábdiqalyqova taraptar ara­synda qol jetkizilgen ózara túsi­nistik pen yntymaqtastyqtyń joǵary deńgeıin, sondaı-aq, BUU Damý baǵdarlamasynyń Qa­­zaq­stan­nyń áleýmettik-eko­nomı­­ka­lyq jańǵyrý úderisine qos­­­qan eleýli úlesin atap ótti. Mem­le­ket­tik hatshy, son­daı-aq, ınfraqurylymdyq damý jos­par­ynyń sheńberinde Qazaq­stannyń áleýmettik ınfra­qu­ry­lymyn damytý jónindegi ózara tyǵyz is-qı­myldyń, onyń ishinde barlyq ın­fraqurylymdyq jobalarǵa áıel­derdi belsendi tartýdyń aı­ryq­sha mańyzdylyǵyna toqtaldy. «Búginde BUU Damý baǵ­dar­lamasynyń Qazaqstanda qyzmet etkenine 20 jyldan asty. Osy jyldar ishinde 180-nen astam joba ázirlendi. Olardyń basym kópshiligi áleý­met­tik-gýma­­nı­tar­lyq baǵytta júzege asty. Osy jobalardyń aıasynda birqa­tar salalyq baǵdarlamalar qolǵa alyndy. Áleýmettik, eko­lo­gııalyq, áıeldi qoldaý, aza­mat­­tardyń quqyqtaryn qorǵaý baǵyttary boıynsha arnaıy zertteýler júrgizildi. Bizde áli de júzege asyrylyp jat­qan jo­balar bar. Demek, aldaǵy ýa­qytta biz ózimizdiń ynty­maq­tas­ty­ǵymyzdy damytýymyz kerek.  Barlyǵymyzdyń aldymyzda úlken mindetter tur. Olar – Elbasy aıqyndaǵan «Qazaqstan-2050» Strategııasy jáne «Nurly Jol – bolashaqqa bastar jol» Jańa Ekonomıkalyq Saıasaty. Sondyqtan, biz búgingi kúnge deıin sátti júzege asqan jobalar sekildi bul baǵdarlamalardy da birlesip, nátıjeli iske asyramyz dep oılaımyn», dedi G.Ábdiqalyqova. S.Týll óz kezeginde BUU Damý baǵ­­dar­lamasy men Qazaqstan Úki­meti arasyndaǵy áriptestik baıla­nysqa toqtala kele, Elbasy­nyń ha­lyqqa arnaǵan «Nurly Jol – bolashaqqa bastar jol» atty Jol­daýynyń mańyzdylyǵyn atap ótti. «Bul Joldaý tek Qazaq­stannyń óz ishinde ǵana emes, syrt elderde de bolashaqty boljaǵan strategııalyq qujat retinde tanylǵanyn atap ótti. «Bul strategııalyq qujatty halyq óte joǵary qabyldady. Al mundaıda Úkimet halyqtyń ómir sapasyn arttyryp, el kókeıinde júrgen saýaldarǵa jaýap tabýǵa sep bolatyn birden-bir dánekerge aınalýda. Bizdi buǵan deıingi kezdes­ken ekonomıkalyq qıyndyqtarǵa qaramastan, Qazaqstan Úkimetiniń el ınfarqurylymyn damytýǵa qajetti ınvestısııanyń úzilmeýine, halyqtyń ómir sapasynyń artýyna jaǵdaı jasaýǵa barynsha umtylýy úlken qyzyǵýshylyq týdyryp otyr. Sondyqtan, Qazaqstan Pre­zı­den­tiniń bul Joldaýy halyq­ara­lyq qaýymdastyqtyń tıimdi jáne senimdi múshesi ekenin aıǵaq­tap berdi. Biz aldaǵy ýaqytta bul baǵdarlamalyq qujattyń Qazaq­stannyń damý qaǵıdattaryna qan­shalyqty deńgeıde áser etetinin, bul oraıda Qazaqstannyń usynar tájirıbesin, memlekettik qyzmet tetikterin jetildirý máselelerin saralaıtyn bolamyz», dedi S.Týll. Kezdesýge qatysýshylar Mem­leket basshysy belgilegen «Qazaq­stan-2050» Strategııasy jáne «Nur­ly Jol – bolashaqqa bas­tar jol» Jańa Ekonomıkalyq Saıa­saty mindetterin oryndaý aıasynda elimizdiń áleýmettik-gýma­nı­­tar­­lyq damýynyń keń aýqym­dy máse­leleri boıynsha ózara is-qı­myl­dyń perspektıvalaryn talqy­lady. Taraptar aldaǵy ýaqytta sy­baılas jemqorlyqtyń aldyn alýǵa, son­daı-aq, qoǵamnyń rýhanı-adam­gershilik damýyna ba­ǵyt­tal­ǵan sharalar boıynsha ynty­maq­tastyqty nyǵaıtýǵa ýaǵdalasty. Máselen, Elena Tarasenko Qa­zaq­stannyń táýelsizdik alǵan jyldardan beri túrli halyqaralyq uıym­darmen tıimdi baılanys ornatý­dyń biregeı modelin ustanyp kele jatqanyn tilge tıek etti. «BUU Damý baǵdarlamasy qoldaý-kómek tanytýǵa, áleýmettik-ekono­mı­kalyq damýǵa, halyqtyń ómir sapa­syn arttyrýǵa aıryqsha mán beretin elderge tikeleı baǵyt­talǵan. Memleket basshysy ár­daıym bul baǵytta strategııalyq qu­jattardyń daıyndalýyna kóńil bólip, sol arqyly elimizdiń turaq­ty damýyna kúsh salyp keledi. BUU Damý baǵdarlamasy osy sala­daǵy mańyzdy jobalardyń júze­ge asýyna qoldaý bildirdi. Son­daı qujattardyń biri – «Qazaq­stan-2050» Strategııasy. Bul stra­te­gııanyń aldynda keýdeli mindet­ter tur. Biz qazaqstandyqtar bul min­det­ter údesinen shyǵady dep úmit­tenemiz», dedi Májilis depýtaty. Onyń aıtýynsha, BUU Damý baǵdarlamasy halyqaralyq ozyq tájirıbeni engizý baǵytynda kóp kómek kórsetken. Sondaı-aq, Qazaqstan qolǵa alǵan strategııalyq baǵdarlamalardy júzege asyrýǵa, jańa ınnovasııalardy, tehnologııa­lardy izdestirip, olardy el damýyna baǵyttaýǵa úles qosqan. Al L.Súleımen óz sózinde Qazaqstan Prezıdenti janyndaǵy Áıelder isteri jáne otbasylyq demografııalyq saıasat jónindegi ulttyq komıssııa men BUU Da­mý baǵ­darlamasy arasynda bir­ne­she jyldan beri tabysty yn­ty­maqtastyq ornap kele jatqanyn jetkizdi. «2009 jyly áıelderdiń ekonomıkalyq jáne saıası bel­sendiligin arttyrý baǵytynda bir joba júzege assa, 2010 jyly eldiń rýhanı-adamgershilik damýy arqyly áleýmettik-eko­no­mıkalyq problemalardy eńserýge baǵyttalǵan ortaq joba ázirlendi. Jalpy alǵanda, mundaı jobalardy Qazaqstan Úkimeti men BUU Damý baǵdarlamasy birlesip qarjylandyryp keledi», dedi L.Súleımen. Láıla EDILQYZY, «Egemen Qazaqstan».