Foto: gov.kz
2029 jylǵa fıltrli temekige aksızderdiń biryńǵaı ındıkatıvtik mólsherlemesiniń mólsheri aksızderdiń naqty stavkalarynan 20%-dan aspaıtyn (36 eýrodan 54 eýroǵa deıin, shamamen 17 myń teńgeden 25 myńnan astam teńgege deıin) aýytqý dıapazonymen 1 myń danasy úshin 45 eýro (21 myń teńgeden astam) mólsherinde bekitildi. Buǵan deıin 2019 jyly qabyldanǵan 2024 jylǵa arnalǵan temekige aksızderdiń ındıkatıvtik mólsherlemesi 35 eýrony (16 myń teńgeden astam) quraǵan.
Bul ındıkatıv temekige aksız mólsherlemesin josparlaıtyn Eýrazııalyq ekonomıkalyq odaq (EAEO) elderiniń memlekettik organdary men temeki ónimderin óndirýshiler úshin baǵdar bolyp esepteledi. Sondaı-aq EEK keńesiniń sheshimimen Medısınalyq qoldanýǵa arnalǵan dárilik zattardy tirkeý jáne saraptaý erejesine ózgerister engizildi. Ol saraptamalyq jumystardy júrgizý jáne dárilik preparattardyń qujattamasyn tirkeý baǵalaý kezinde ákimshilik rásimderdi ońtaılandyrýǵa múmkindik beredi.
Resmı halyqaralyq sporttyq is-sharalardy ótkizýge arnalǵan sporttyq zattar men jabdyqtardy EAEO kedendik shekarasy arqyly ótkizý erekshelikteri aıqyndaldy. Bul taýarlarǵa olardy ákelý jáne áketý kezinde jeńildikti sharttarmen arnaıy kedendik rásim qoldanylatyn bolady. Bul uıymdastyrýshylar men sporttyq is-sharalarǵa qatysýshylar úshin ákimshilik kedergiler men shyǵyndardy tómendetýge múmkindik beredi.
