Foto: akorda.kz
«Búginde Italııa saıası-ekonomıkalyq irgesi berik, halqynyń ál-aýqaty joǵary jáne jahandyq saıasatta bedeli bekem ári yqpaldy memleket sanalady. Bul turǵyda, elińiz bıyl «G7» damyǵan elder tobynda belsendi jetekshilik etip, jahandyq turaqtylyq pen qaýipsizdikti ilgeriletýge qomaqty úles qosyp otyr. Qazaqstan men Italııa arasynda ornaǵan strategııalyq áriptestiktiń erekshe mańyzǵa ıe ekenin atap ótkim keledi. Yqpaldastyǵymyzdyń qarqynyn nyǵaıtyp, áleýeti mol seriktestigimizdiń jańa qyrlaryn ashqan Rımge resmı saparymdy ystyq yqylaspen eske alamyn», dep jazylǵan jedelhatta.
Memleket basshysy eki el arasyndaǵy qol jetkizgen ýaǵdalastyqtardy belsendi iske asyrý maqsatynda birlese kúsh-jiger jumsaýǵa daıyn ekenin rastady. Sondaı-aq Qasym-Jomart Toqaev Serdjo Mattarellanyń jaýapty qyzmetine tolaǵaı tabys, dostas Italııa halqyna baq-bereke tiledi.
