О́ner ıesi nebári 57 jasta edi. Marqummen qoshtasý rásimi erteń, 3 maýsymda saǵat 10.00-den 11.00-ge deıin M.Gorkıı atyndaǵy MAODT ǵımaratynda ótedi, (Jeltoqsan kóshesi, 13).
Muhametdıeva Margarıta Anatolevna 1966 jyly 4 shildede dúnıege kelgen. 1988 jyly A.Alıabeva atyndaǵy Tobolsk óner jáne mádenıet ýchılıshesin bitirdi (halyq teatrlarynyń rejısseri).
Taldyqorǵan qalasynyń drama teatrynda jumys istedi. 1996 jyly T.Júrgenov atyndaǵy Qazaq memlekettik teatr jáne kıno ınstıtýtynyń teatr fakýltetin úzdik bitirdi.
1998 jyly ol Astana qalasyndaǵy M.Gorkıı Memlekettik akademııalyq orys drama teatrynyń trýppasyna qabyldandy.
«M.Mýhametdıeva keıipkerleriniń beınesin jarqyn, emosıonaldy etip kórsetti. Ol kez kelgen janrda: komedııa, ertegi, grotesk jáne tragedııadaǵy rólderin erekshe somdady. Margarıta Anatolevna úlken talant ıesi boldy. Ol óziniń názik bolmysymen, akterlik sheberligimen, rólge tereń enýimen, teatr ónerine adal qyzmetimen erekshelendi. Uzaq aýrýdan keıin Margarıta Mýhametdıeva dúnıeden ozdy. Biz ony rýhy myqty, názik, súıkimdi, ádemi aktrısa retinde máńgi esimizde saqtaımyz», - delingen habarlamada.
