Foto: Rýdnyı qalasynyń ákimdigi
«Qurmetti, Rýdnyı qalasynyń turǵyndary, búgin barlyǵymyz úshin qýanyshty kún, óıtkeni sizder páter ıesi atanyp jatsyzdar. Adam ómirindegi basty armandardyń biri baspanaly bolý emes pe? Sizderdi shyn júrekten quttyqtaımyn. Oblys aýmaǵynda, sondaı-aq Rýdnyı qalasynda halyqty turǵyn úımen qamtamasyz etý máseleleri júıeli sheshilip jatyr. Rýdnyı qalasynyń tartymdylyǵyn, jaılylyǵyn arttyra túsetin jumystar josparda tur. Biz Rýdnyı qalasyn jandandyrý baǵytynda júıeli jumys isteımiz», dedi oblys ákimi Qumar Irgebaıuly.
Úı aýlasynda balalar alańy, avtoturaq jáne kógaldandyrý jumystary júrgizilgen. Bir bólmeli páterler 38 sharshy metrdi qurasa, eki bólmeli - 56 sharshy metrden 80 sharshy metrge deıin, al úsh bólmeli páterler kólemi 84 sharshy metrdi qurady. «Sabyr» TUK áleýmettik sanattar boıynsha memlekettik turǵyn úı qorynyń kezeginde turǵan azamattarǵa berildi. Onyń ishinde halyqtyń osal top ókilderi, kópbalaly otbasylar jáne balalar úıiniń túlekteri baspanaly boldy.
«Biz kezekte 2021 jyldyń qańtar aıynan bastap turdyq. Men kópbalaly anamyn, 4 balam bar. О́zimizdiń úıimiz eshqashan bolmaǵan, osy kúnge deıin biz jaldamaly páterde turdyq. Búgin qýanyshymda jek joq, shynymdy aıtsam, 3 bólmeli páter alǵanymyzǵa áli sene almaı turmyn. Bizge osyndaı qoldaý kórsetip jatqan memleketke alǵysym sheksiz. Bul úı de, páterdiń ózi de óte unady. Balalar óte rıza, qazirdiń ózinde bir kirgennen júgirip, keń páterde oınap júr. Endi jaqyn arada tezirek kóship kelsek dep otyrmyz», dep kópbalaly ana Aıjarqyn Sarıeva qýanyshyn jetkizdi.
Odan bólek, Qumar Irgebaıuly jańadan salynyp jatqan komfort sanatyndaǵy «Aıat» turǵyn úı kesheniniń qurylys barysymen jáne eskızdyq jobasymen tanysty. Bul qalanyń ortalyǵynda ornalasqan 6 qabatty 120 páterlik turǵyn úı kesheni bolmaq. Jospar boıynsha, TUK-niń aýlasynda oıyn alańy, jeke avtoturaq, beınebaqylaý, demalys orny bolady.
Sapar barysynda oblys ákimi taǵy bir qurylys nysanyn aralady. Ol qaladaǵy jańa, zaman talabyna saı qonaqúı - «Abyroy apart hotel». «Abyroy apart hotel» Rýdnyı qalasyndaǵy páter men qonaqúı máselesiniń eń ońtaıly sheshimi ári qalanyń ınfraqurylymy men sáýletiniń erekshe nysany bolmaq.
Aıtylǵan nysandardyń bas merdigeri - naryqta 2006 jyldan beri jumys istep kele jatqan «QC Holding» kompanııasy. Sońǵy jyldary «QC Holding» Rýdnyı qalasyndaǵy eski úılerdi jańǵyrtýmen jáne qala kelbetin ásemdeıtin, jańa turǵyn úı keshenderin salýmen aınalysyp jatyr.
Kompanııa basshysy Nuralhan Kýlchıkovtyń aıtýynsha, «QC Holding» kompanııasynyń aldaǵy jumysy men jospary kóp.
«Biz bir jyldyń ishinde Rýdnyı qalasynda tórt úıdi paıdalanýǵa berdik. Jergilikti atqarýshy organdarmen aldaǵy ýaqytta da tabysty, sapaly jáne júıeli jumys atqarýǵa daıynbyz. «QC Holding» kompanııasy ár turǵynǵa sapa jaǵynan óz kepildgin beredi jáne basqa da suraqtar boıynsha da kómekke kelýge árqashan daıyn», dedi kompanııa basshysy Nuralhan Ámirhanuly.
