Foto: gov.kz
Atalǵan tártip qaǵıdattaryna kelesi túsinikter engiziledi:
- elektr energııasyn saqtaý júıesi – elektr energııasyn jınaqtaýǵa (zarıadtaýǵa), saqtaýǵa jáne berýge (razrıadqa) arnalǵan avtomattandyrylǵan basqarý júıesi bar tehnıkalyq qurylǵy jáne Qazaqstan Respýblıkasynyń zańnamasyna sáıkes olardy paıdalaný úshin tehnologııalyq turǵydan qajetti ózara baılanysty qurylystar men ınfraqurylymdar;
- elektr energııasyn saqtaý júıesiniń qýaty – jabdyqty daıyndaýshy zaýyttyń pasporttyq derekterimen aıqyndalatyn kılovattpen qýattylyq;
- elektr energııasyn saqtaý júıesiniń energııa syıymdylyǵy – jabdyqty daıyndaýshy zaýyttyń pasporttyq derekterimen aıqyndalatyn elektr energııasyn saqtaý júıesimen jelige jınaqtaýǵa, saqtaýǵa jáne berýge múmkin bolatyn kılovatt-saǵattaǵy elektr energııasynyń kólemi;
- elektr energııasyn saqtaý júıeleriniń ıelik qýaty – onyń qýatynyń shekteýlerin shegergendegi jabdyqtyń belgilengen qýaty;
- elektr energııasyn saqtaý júıesiniń maksımaldy zarıady – qol jetimdi jınaqtalǵan zarıadtyń maksımaldy máni kılovatt saǵ;
- elektr energııasyn saqtaý júıesiniń eń tómengi razrıad tereńdigi – jınaqtalǵan zarıadtyń kılovatt saǵatyna ólshenetin tómendetilmeıtin qaldyǵy;
Elektr stansııalarynyń, qazandyqtardyń, elektr jáne jylý jelileriniń negizgi mindetteri elektr jáne jylý energııasyn óndirý, bólý jáne tutynýshylarǵa bosatý (budan ári – energııa óndirisi) negizgi tapsyrmalary bolyp sanalady.
Elektr energııasyn saqtaý júıeleriniń negizgi mindetteri - elektr energııasyn jınaqtaý, saqtaý jáne berý.
Bul rette elektr energııasyn saqtaý júıesimen ózara baılanysty qurylystar men ınfraqurylym olardyń qýatyn shekteýsiz tolyq berýdi qamtamasyz etýge tıis.
Elektr energııasyn saqtaý júıelerinde energetıkalyq sıpattamalar tómendegi kórsetkishter boıynsha jasalady:
- elektr qýatynyń ózgerý jyldamdyǵy, MVt/sek;
- elektr energııasyn túrlendirý tıimdiligi;
- qýattyń degradasııasy;
- zarıad/razrıad sıklderiniń sany;
- ruqsat etilgen zarıad/razrıad jyldamdyǵy;
- zarıad kúıi;
- razrıadtyń ruqsat etilgen tereńdigi;
- jaýap berý ýaqyty;
- reaktıvti qýat boıynsha múmkindik;
- sýyq iske qosý múmkindigi.
Elektr energııasyn saqtaý júıeleri belgilengen qýaty 10 MVt-tan joǵary JEKGQ obektilerine qoldanylady. Elektr energııasyn saqtaý júıeleri bar JEKGQ obektileri úshin jelimen sınhrondalǵan jumys qamtamasyz etiledi.
Elektr energııasyn saqtaý júıeleri bar JEKGQ obektilerine arnaıy talaptar belgilenýge tıis. Bul rette elektr energııasyn saqtaý júıeleri úshin elektr energııasyn saqtaý júıeleriniń tehnıkalyq talaptary men dıapazondary qosymsha belgilenedi.
Qujattyń tolyq nusqasy Ashyq NQA saıtyna ornalastyrylǵan.
