Veloshabandozdar sherýi

Veloshabandozdar dodasy áýeli Kóktóbe aýyldyq ákimdigi orna­las­qan ǵımarat aldynan bastaldy. Velo­sherýdiń ashylý saltanatynda aýdan basshysy Aǵybaı Ámirın jurt­shylyqty Rámizder kúnimen qut­tyqtap, sportshylarǵa sáttilik tile­di.

«Memlekettik nyshandarymyz – kez kelgen memlekettiń egemendigi men birtutastyǵyn beı­neleıtin, onyń ajyramaıtyn atrıbýt­tarynyń biri. О́skeleń ur­paqty salamatty ómir saltyna nasıhattaý, patrıottyq sezimdi oıatý, memlekettik rámizderimizdi qurmetteý maqsatynda búgin osyndaı sporttyq is-shara ótkizýdi uıǵar­dyq. Bıyl Maı aýdanynyń quryl­ǵanyna 85 jyl tolyp otyr. Osy mereıli datany eskere oty­ryp, velosherýge 85 sportshy qa­tyssa degen tilek bolǵan. Shaqyrtýymyzdy eskerip, belsendi qatysyp jatqan turǵyndar men oqýshylarǵa, jastarǵa alǵys aıtamyz», dedi quttyqtaý sózinde ákim.

Velosherýge oqýshylar men jastar, memlekettik qyzmet­shi­ler, turǵyndar men ardagerler, kásipkerler qatysty. Velosıpedke otyryp alyp, onymen jeldeı esýdiń densaýlyq úshin paıdasy mol ekenin Maı aýda­ny­nyń jurtshylyǵy jaqsy túsinedi. Úl­ken shaharda turmasa da, jer­gi­likti halyq arasynda velosıpedpen qydyrystaý, kúndelikti ju­my­syna baryp-kelý keń taral­ǵan. Densaýlyqqa paıdasynan bólek, shap-shaǵyn ári yńǵaıly bul kóliktiń qorshaǵan ortaǵa da esh zııany joq ekenin eske sala ketken artyq bolmas. Al Maı óńiri – kezinde atom synaǵynan eń kóp zardap shekken aımaqtardyń biri.

Aýdandyq balalar-jasóspirim­der sport mektebiniń dırektory Saǵadat Otarov mundaı is-shara jas urpaqty dene tárbıesimen aına­lysýǵa úndeýde mańyzdy ról atqa­ratynyn atap ótti.

«Jazǵy ýaqytta taza aýada serýendep, sportpen shuǵyldanýdyń paıdaly ekeni barshaǵa málim. Al velosıped tebýdiń paıdasy ushan-teńiz. Velosport kúndelikti ádetińiz­ge aınalsa, jalpy densaý­lyq­qa jaǵymdy áseri mol. Velo­sı­pedti ekologııalyq kólik retin­de de nasıhattap júrmiz. Biraq, eń bastysy, onyń adam aǵzasyna qosymsha ottegi bólip, este saqtaý, oılaý qabiletine jaqsy áser etetinin umytpaýymyz kerek», deıdi sport mamany.

Qatysýshylar Áıteke bı, Abaı, S.Seıfýllın, Abylaı han kóshe­lerin basyp ótip, Ortalyq alańda máre syzyǵyn qıdy. Uıym­das­ty­rýshy tarap – aýdan ákim­diginiń qyzmetkerleri qatysý­shylar arasynan «Eń jas velo­sherýshi» men «Ardager velo­sherýshini» anyqtap, olarǵa arnaıy atalymdardy tabys­tady. Al úzdik shyqqandar men júl­de­li orynǵa ıe bolǵandar ba­ǵaly syı­lyq­tarmen marapattaldy.

Pavlodar oblysy,

Maı aýdany,

Kóktóbe aýly