Foto: gov.kz
- Taekvondodan áskerıler arasyndaǵy álem chempıonatynda Qazaqstan quramasy 1 altyn men 3 kúmis medalǵa qol jetkizdi. 53 kg salmaqta óner kórsetken Iаsmına Narbaeva fınalda nemis sportshysyn utyp, altynnan alqa taqsa, Javohırhon Islamov (58 kg), Amanbol Begimbetov (63 kg), Nuraı Baýyrjanova (49 kg) aqtyq synda utyldy.
- Londondaǵy «Ýemblı» stadıonynda ótken ÝEFA Chempıondar lıgasynyń fınalynda Madrıdtiń «Realy» men Dortmýndtyń «Borýssııasy» sheberlik baıqasty. Bul match 2:0 esebimen koroldik klýbtyń paıdasyna sheshildi. Ispandyqtardyń sapyndaǵy Danıel Karvahal 74, Vınısıýs Jýnıor 83-mınýttarda nysanany dál kózdedi. Sóıtip, «Real» óz tarıhynda 15 ret qart qurlyqtyń eń beldi kýbogin ıelendi.
- Qazaqstannyń kórkem gımnasshysy Eljana Tánıeva Parıj Olımpıadasy qarsańyndaǵy jattyǵýyn Germanııada ótkizýdi jón kórdi. «Alda eki álem kýbogi bar. Bul jarystar Eýropada ótedi. Qazirgi kezde Eljananyń baǵdarlamasyn jańartyp, kúrdelendirýdi kózdep otyrmyz. Bul ózgeristerdiń qandaı nátıje bergenin joǵaryda aıtylǵan halyqaralyq básekeler barysynda baıqap kóremiz. Kóp uzamaı Germanııada jattyǵý jıynyn ótkizemiz. Al aýa raıyna beıimdelý úshin Olımpıadaǵa bir apta qalǵanda Ispanııaǵa sapar shegýdi josparladyq», deıdi ulttyq quramanyń bas bapkeri Álııa Iýsýpova.
- 2028 jyly Los-Andjeleste alaýy tutanatyn Olımpııa oıyndaryna Halyqaralyq boks qaýymdastyǵyna (IBA) múshe memleketterdiń ókilderi qatyspaıdy. Halyqaralyq Olımpıada komıteti (HOK) osyndaı qatań talap qoıdy. Olar «IBA-da bylyq kóp. Olar taza sporttyq qaǵıdatty ustanbaıdy. О́zderin syılaıtyn ulttyq federasııalar atalǵan uıymnyń quramynan shyǵýǵa tıis» dep málimdedi. Bul jaǵdaı kóptegen eldi tyǵyryqqa tirep otyr. О́ıtkeni qazirgi kezde álemniń 200-den asa memleketiniń federasııalary IBA-nyń múshesi. Solardyń qatarynda Qazaqstan da bar.
- Qazaqstan Ulttyq Olımpıada komıtetiniń (UOK) prezıdenti Gennadıı Golovkın Halyqaralyq Olımpıada komıtetiniń (HOK) Olympism 365 komıssııasynyń múshesi bolyp taǵaıyndaldy. Bul týraly HOK prezıdenti Tomas Bah Qazaqstan UOK-ke resmı hat joldaý arqyly habarlady. Ol hatta «Sizdi komıssııa múshesi etip taǵaıyndaý men úshin úlken mártebe. Komıssııa jumysyna qosatyn úlken úlesińiz úshin sizge aldyn ala alǵys bildiremin», dep jazyldy.
- Qazaqstannyń hokkeıshisi Ádil Beketaevtyń soqqysy Chehııada ótken álem chempıonatynyń qorytyndysy boıynsha ekinshi oryndy ıelendi. Onyń qarsylastar qaqpasyna baǵyttaǵan shaıbasy saǵatyna 162,38 shaqyrymdyq jyldamdyqpen júıitkigen eken. Al bul atalymda Vıktor Hedman ozdy. Shvesııalyq qorǵaýshynyń soqqysy saǵatyna 163,05 shaqyrymdyq jyldamdyqpen zymyrady.
- AQSh-tyń Nıý-Djersı shtatyndaǵy Nıýark qalasynda aralas jekpe-jekten UFC 302 týrnıri ótti. Basty jekpe-jekte jeńil salmaqtaǵy reseılik Islam Mahachev amerıkalyq Dastın Poreni besinshi raýndta «qylqyndyrý» ádisimen utyp, chempıondyq ataǵyn sátti qorǵady. Osy jeńisten keıin daǵystandyq faıter jartylaı orta salmaqqa aýysýǵa nıetti ekenin málimdedi. Al bul salmaqta qazaqtyń qaısar uly Shavqat Rahmonovtyń óner kórsetip júr.
- Sporttyq gımnastıkadan Slovenııanyń Koper qalasynda ótken «Challenge Cup» dodasynda Dıas Toıshybek «at» jattyǵýynda kúmis medaldy ıelendi. Bas júldeni ýkraınalyq Ilıa Kovtýn oljalasa, horvatııalyq Mateo Jýges qolaǵa qol sozdy.
- Elimizdiń tanymal kásipqoı boksshysy Angelına Lýkas Bangkoktaǵy boks keshinde ındonezııalyq Harma Iestımen judyryqtasyp, ony upaı sanymen utty. Bul – otandasymyzdyń onynshy jeńisi!
- Shveısarııanyń Nonynda fýtzaldan 2026 jyly jalaýy jelbireıtin Eýropa chempıonatynyń irikteý týrnıriniń jerebesi tartyldy. Altynshy topqa túsken jerlesterimiz Armenııa, Danııa jáne Albanııaǵa qarsy oınaıdy. Irikteý syny bıylǵy jyldyń jeltoqsanynda bastalyp, kelesi jyldyń sáýirinde aıaqtalady. Al sary qurlyqtyń basty dodasy 2026 jylǵy 18 qańtar men 8 aqpan aralyǵynda ótedi.
