О́tken joly úılerdiń sapaly bolyp salynyp jatqanyn, kólemi 80 sharshy metr ekenin, jer kólemi 10 sotyq bolatynyn, tipti aýlasyna órnektas tóselip, dýaly eki metrge jýyq qorshaýmen qorshalatynyn da aıtqanbyz. Onyń ústine úıdiń ishine sanýzel ornatylady, ystyq, sýyq sýlar qalalyq káriz qubyrlarymen keledi. Shaıyndy sýlar septık arqyly shyǵarylady. Sondyqtan kóp adamǵa arman bolǵan jaıly jer úıler 700 otbasyn qýanyshqa kenelteri sózsiz.
Qazir bul aýdanǵa jańa balabaqsha turǵyzý da qolǵa alynyp jatyr. 90 bóbekke shaqtalǵan balabaqshanyń jobasy kóz súrindiredi, tek endi ony salýdy mindetine alǵan «Mıras Group» JShS qurylys kompanııasy jobadan aýytqymaı jaınatyp salyp shyqsa bolǵany. Bul qurylysqa bıýdjetten 500 mln teńge bólinipti. «Qurylys jumysyn bıylǵy qyrkúıektiń birinde aıaqtaımyz. Qazir jerdegi jumystar jasalyp jatyr. Ázirge bes tehnıka men on adam tartylǵan. Qurylys kólemi artqan kezde bul jerde 50 adam jumys isteıtin bolady. Balabaqshanyń qabyrǵalary gazblok kirpishterden turǵyzylady», dedi qurylys ýchaskesiniń bastyǵy Farhat Seıpilov.
Jańa aýdanda salyna bastaǵan 100 úıdiń qurylysy 90 paıyzǵa aıaqtaldy. Besinshi maýsymda onyń 50-in paıdalanýǵa beredi.
Bolashaqta jańa aýdanǵa mektep, mádenıet úıleri de salynady. Jańa kentti abattandyrý jumysyna da barlyq qalalyq tartylýda. «Taza Qazaqstan» respýblıkalyq aksııasy aıasynda oblys ákimi Ǵaýez Nurmuhambetovtiń ózi qatysyp, qurylys kompanııalarynyń basshylarymen birge jańa saıabaqqa aǵashtar otyrǵyzdy. Qazir ákimniń jumysyndaǵy basty prıorıtet te osy aýdan.
Osyndaǵy tamasha úılerdiń negizgi bóligi elimizdegi túrli etnos ókilderine buıyrǵaly otyr.
Bul jaǵdaı osyndaı syn saǵatta jurtshylyqty biriktirip, halyqtyń tutastyǵyn odan ári nyǵaıta túseri sózsiz. Turǵyndar qıyn kezeńde qoltyqtan demegen memleketke shynaıy alǵysyn bildirip otyr.
Jańa aýdan qurylysy osylaı júrip jatsa 98 otbasyna qaıtalama naryqtan úıler satyp áperildi. Oblys boıynsha jalpy sany 3 898 úı zardap shekken. Sonyń 1 720-syn baǵalaý komıssııasy qalpyna keltirilmeıdi dep sheshti. Qalada osynyń 700-ne jańa úıler salynyp jatqanyn aıttyq, odan basqa júzge jýyq otbasyna ózderi qalaǵan páterler satyp áperildi. Alaıda áli de myńǵa jýyq otbasyn kúzge deıin úımen qamtamasyz etý jumysy alda tur.
Oblys boıynsha zardap shekken úıler arasynan 2 178 úı qalpyna keltirýge bolady dep sheshilgen. Petropavldyń ondaı úıleri – Oıqala, Teri zaýyty, Zarechnyı shaǵyn aýdandary men Teplıchnyı, Prıbrejnyı aýyldaryndaǵy 270 úı. Bul úılerge aýdandarda qurylǵan mehbrıgadalar jóndeý jumystaryn júrgizýde.
Budan basqa 1055 úıdiń qojaıyndary shańyraqtaryn óz kúshimen jóndeýge sheshken. Olarǵa shyǵynnyń kólemi anyqtalyp, bıýdjetten qarajattaı kómek beriletin bolady.
Jalpy, halyq tasqynnyń ábigerinen arylyp, qazir qalypty tirlikke jappaı kóshken. Mamyrdyń qara sýyqtary shyqqannan beri jemis-jıdekterin, kókónisterin otyrǵyzýǵa asyqqandar da kóp. Tek qala kósheleriniń ábden talqany shyqqan joldary ashý-yzany týǵyzady. Bıliktiń qoly oǵan da jeter degen úmit bar. Jaıly ómir, jarqyn turmysqa ne jetýshi edi.
Soltústik Qazaqstan oblysy
