Kóktemde Qazaqstannyń birneshe aımaǵy sý tasqynymen kúresken edi. Biraq mamandar munyń artynan jazda qurǵaqshylyq bolýy múmkin degendi de aıtqan.
Qýańshylyq myna óńirlerde bolýy múmkin degen boljam bar:
Qostanaı oblysynyń Amangeldi jáne Jangeldi aýdandarynda;
Mańǵystaý oblysynyń Mańǵystaý jáne Qaraqııa aýdandarynda;
Batys Qazaqstan oblysynyń Qaztalov, Jánibek, Tasqala jáne Aqjaıyq aýdandarynda;
Aqtóbe oblysynyń Qarǵaly jáne Muǵaljar aýdandarynda
Qaraǵandy oblysynyń Shet aýdanynda;
Ulytaý oblysynyń Ulytaý aýdanynda;
Abaı oblysynyń Aıagóz jáne Úrjar aýdandarynda
Jambyl oblysynyń Moıynqum aýdanynda;
Qyzylorda oblysynyń Qarmaqshy jáne Qazaly aýdandarynda.
Maýsym aıynda Shyǵys Qazaqstan oblysynyń Katonqaraǵaı jáne Qurshym aýdandarynda, Abaı oblysynyń Besqaraǵaı aýdanynda, Almaty oblysynyń Talǵar aýdanynda, Buqar Jyraý, Qaraǵandy oblysynyń Osakarov aýdandarynda, Qaraǵandy qalasynda jáne Pavlodar jáne Aqmola oblysynyń edáýir bóliginde ortasha ylǵaldy bolady dep kútilýde.
Eldiń qalǵan bóliginde ylǵaldandyrý sharttary osy aı úshin qalypty jaǵdaıǵa jaqyn bolady.
