Kollajdy jasaǵan – Záýresh SMAǴUL ,«EQ»
«Bolashaq» shaǵyn aýdanyndaǵy osy qurylysqa «Qazaqstan halqyna» qory demeýshilik jasaıdy. Qor baspasóz qyzmetiniń málimetine qaraǵanda, elimizdiń 6 aımaǵynda da osyndaı jańa úı qurylysy júrip jatyr.
«Qazir 6 oblystaǵy 21 eldi mekende 649 turǵyn úıdiń qurylysy bastaldy. Máselen, Soltústik Qazaqstan oblysynda – 200, Batys Qazaqstanda – 114, Aqtóbede – 80, Qostanaıda – 88, Aqmola oblysynda 87 úıdi salý qolǵa alyndy. Bul óńirlerdegi qurylysy júrip jatqan bir úıdiń ortasha quny – 27,4 mln teńge. Al Atyraý oblysynyń Qulsary qalasynda 80 turǵyn úıdiń qurylysyn júrgizýge 2 mlrd 640 mln teńge bólindi. Munda 1 úıdi salýǵa jumsalatyn qarjy 31 mln 975 myń teńgeni quraıdy», dep habarlady qordyń baspasóz qyzmeti.
Tıptik úlgidegi jańa úılerdiń árqaısysynyń aýdany – 100 sharshy metr. Qulsaryda jańa turǵyn úılermen birge eki myń oryndyq Binom mektebin, 300 oryndyq balabaqsha nysanyn salý josparlanǵan. Sondaı-aq shaǵyn alleıalar salynady.
«Turǵyn úılerdiń avtorlyq dızaınyn «Etalon project group» JShS daıyndady. Bul seriktestik dızaınnyń saqtalýyna baqylaý júrgizedi. Al tehnıkalyq qadaǵalaý «ZAF-Stroıservıs» JShS-ǵa júktelip otyr», dep málim etti qordyń baspasóz qyzmeti.
Atyraý oblystyq qurylys basqarmasynyń bas mamany Ernar Qadyrbaıdyń aıtýynsha, «Qazaqstan halqyna» qory turǵyn úılerdi salýǵa jergilikti merdigerlerdi usynypty. Soǵan sáıkes «Orlan», «Armandastar-Atyraý» jáne «Kazkomservıs» JShS-ǵa senim artylyp otyr. Bul kompanııalardyń árqaısysynda 50-ge jýyq maman jumys isteıdi.
«Sergek Group» kompanııalar tobynyń bas dırektory Áset Ahmetovtiń aıtýyna qaraǵanda, Qulsaryda sý tasqynynan zardap shekkenderge arnap salynyp jatqan turǵyn úı qurylysynyń barysyn Sergek júıesi arqyly baqylaýǵa bolady. Qazir Aqmola, Aqtóbe, Batys Qazaqstan, Qostanaı, Soltústik Qazaqstan jáne Atyraý oblysyndaǵy qurylys alańdaryna 55 beınekamera ornatylǵan. Kameralardyń onlaın translıasııasyn gov.kz saıtynda táýlik boıy qaraýǵa bolady.
«О́nerkásip jáne qurylys mınıstrligi sý tasqynynan zardap shekken eldi mekenderde turǵyn úıdi qalpyna keltirý jumystaryn baqylaý jáne úılestirý úshin ahýaldyq ortalyq qurdy. Bul ortalyqta zalaldy óteý týraly barlyq ótinish, ár aýyl men aýdan ortalyǵyndaǵy, qalalardaǵy qurylys barysy baqylaýǵa alyndy. Onlaın beınemonıtorıng qurylys pen jóndeý jumystaryn jedel tártippen baqylaýǵa, merzimnen keshikken qalǵan jaǵdaıda tezirek áreket etýge múmkindik beredi. Biz úshin ashyq jumys formaty mańyzdy bolyp otyr. О́ıtkeni biz turǵyndardyń baspanany qalpyna keltirýge baılanysty jumystardan habardar bolǵanyn qalaımyz», deıdi О́nerkásip jáne qurylys mınıstriniń orynbasary Jánnat Dúbirova.
Al «Samuryq-Qazyna» ál-aýqat qoryna qaraıtyn kompanııalar Qulsary qalasyna 7 mıllıard teńge bóldi. Bul qarjy Qulsary qalasynyń ınfraqurylymyn qalpyna keltirý maqsatynda biryńǵaı qaıyrymdylyq operatory «Samruk-Kazyna Trust» arqyly «Atyraý» áleýmettik damytý korporatıvtik qoryna aýdaryldy. Bul ıgi is «QazMunaıGaz» UK» AQ qoldaýymen júzege asyrylady.
«Jalpy, osyǵan deıin «Samuryq-Qazyna» AQ kompanııalary toby elimizdegi sý tasqynynyń zardabyn joıýǵa 15 mlrd teńge bólgen bolatyn. Sonymen birge portfeldik kompanııalar óńirlerde turǵyndardy tasymaldaýǵa arnaıy tehnıka bólip, gýmanıtarlyq kómek kórsetti. Qordyń biryńǵaı qaıyrymdylyq operatory – «Samruk-Kazyna Trust» qoryna enshiles kásiporyndardyń seriktesterinen kómek retinde qarjy aýdarý jalǵasyp jatyr. Onyń ishinde munaı-gaz sektoryndaǵy rýmyndyq «Rompetrol», atom ónerkásibi salasyndaǵy «Cameco», «CGN» jáne «Marubeni» japondyq kompanııalary bar», dep aqparat taratty «Samuryq-Qazyna» ál-aýqat qory.
Jylyoı aýdanynyń ákimi Jumabek Qarajanovtyń deregine súıensek, Qulsary qalasynda kópqabatty úılerdiń qasbeti men shatyryn jóndeý bastaldy. Mundaǵy 100-ge jýyq úı 30 jyl buryn paıdalanýǵa berilgen. Alaıda sodan beri úılerdiń syrtqy kelbetine jańǵyrtý júrgizilmeı kelgen.
«Bul jumystardy 4 kásiporyn atqarady. Qazir merdigerler 1 jáne 3-shaǵyn aýdandaǵy kópqabatty 13 úıdi jóndeýge kiristi. Merdigerlerge 100-ge jýyq adam jumysqa tartyldy», dedi Jumabek Qarajanov.
Atyraý oblysy
