Qymbatty otandastarym!
О́zderińizge málim, 26 sáýir kúni Qazaqstan Respýblıkasy Prezıdentiniń saılaýy ótedi. Halqymyz bul jóninen jan-jaqty habardar. Qoldaýshylar men kandıdattar oblystarda bolyp, jurtshylyqpen júzdesti. Búkilhalyqtyq saılaý – bizdiń Konstıtýsııamyzda, arnaıy zańymyzda kórinis tapqan asa mańyzdy saıası is-shara. Saılaý arqyly azamattarymyz, birinshiden, óziniń konstıtýsııalyq quqyǵyn júzege asyrady, ekinshiden, el basqarý isine tikeleı qatysady. Árbir azamat ózine unaıtyn, saıasatyn túsinetin, halyqty alǵa bastaı alady dep senetin kandıdatqa daýys beredi. Bul – álemdik qoǵamdastyq ókilderiniń nazaryn aýdaratyn el ómirindegi eleýli oqıǵa. Saılaýdy baqylaý úshin elimizge 1 myńnan astam baıqaýshy, 200-ge jýyq sheteldik aqparat quraldarynyń ókilderi keledi. Olardyń aldynda biz yntymaǵymyzdy kórsetýimiz kerek. Halyq neǵurlym belsene qatysatyn bolsa, soǵurlym elimizdiń birligi nyǵaıady, bolashaqqa degen senimi bekı túsedi. Barshańyzdy saılaýǵa qatysyp, daýys berýge shaqyramyn.
