Foto: Astana ákimdigi
Forýmǵa Parlament Senatynyń tóraǵasy Máýlen Áshimbaev qatysty. О́z sózinde Senat Tóraǵasy keıingi jyldarda elimizde kreatıvti ındýstrııa qarqyndy damyp kele jatqanyn atap ótti. El Prezıdenti Qasym-Jomart Toqaevtyń tapsyrmasymen atalǵan salany damytý úshin ınstıtýsıonaldyq negiz qalyptasty.
Mádenıet jáne aqparat mınıstrliginde arnaıy departament quryldy.
Sondaı-aq sektordy ári qaraı jetildirýge jáne memleket tarapynan qoldaýǵa arnalǵan naqty sharalar qabyldanyp jatqany aıtyldy.
Sonymen qatar forýmǵa qatysqan jastar ózderiniń tabysty medıa jobalaryn usyndy, týyndaıtyn qıyndyqtardy talqylady jáne ındýstrııanyń damý vektoryn belgiledi.
Is-shara barysynda qatysýshylar kreatıvti ındýstrııany tıimdi damytýǵa tıisti jaǵdaı qajet ekenin aıtyp, óz usynystaryn jetkizdi.
Forým qorytyndysy boıynsha qatysýshylar arasynda memorandýmǵa qol qoıyldy, onyń negizgi ıdeıasy - qoǵamnyń ózekti taqyryptary boıynsha qazaq tildi kontent qurý.
Sondaı-aq qatysýshylarmen Memleket basshysy bastamashy bolǵan qazaq tilinde kontentter daıyndaý barysyn jáne osy baǵyttaǵy basqa da ózekti máseleler talqylandy. Is-sharaǵa kreatıvti ındýstrııa jáne otandyq medıa ókilderi qatysty.
Forýmda kásipker, «Phenomenal Kids»jobasynyń negizin qalaýshy, «QazaqSham» jobasynyń prodıýseri Azat Ábiken, tarıhshy, arheolog-eksperımentator Nurqoja Ersaıyn, prodıýser Azamat Demegen, «Balafunny» YouTube-arnasynyń negizin qalaýshy Altynaı Esenjanova, Mańǵystaý oblysyndaǵy «Aktown» jobasynyń negizin qalaýshy Nursultan Myrzabek, «QonzhyqApp» jobasynyń ókili Aınur Málibekova jáne basqa qatysýshylar qatysyp, sóz sóıledi.
