Foto:Qazaqstan musylmandary Dinı basqarmasynyń resmı saıty
Bıyl 17-19 maýsym aralyǵynda toılanatyn musylmandardyń Qurban aıt merekesi qarsańynda elorda bazarlarynda qurbandyq shalatyn oryndardaǵy sanıtarlyq talaptardyń saqtalýy tekserildi.
Qurbandyq shalatyn oryndar:
- «Shanhaı» bazary;
- «Barakat» bazary (kóshesi A-369, 10);
- «Jaılaý» bazary (S-754 kóshesi, 1 korpýs);
- «Sholpan-ata» bazary (Alash tas joly, 27/2);
-
Jeleznodorojnyı turǵyn alaby (Aqjar k-si, 20).
Aýyl sharýashylyǵy janýarlarynyń ıeleri, satýshylar jáne soıý oryndarynyń ıeleri Aýyl sharýashylyǵy mınıstrliginiń 2015 jylǵy 27 sáýirdegi №7-1/370 buıryǵymen bekitilgen veterınarııalyq-sanıtarııalyq talaptardy saqtaýǵa mindetti. Osylaısha, aýyl sharýashylyǵy janýarlaryn soıý erejege sáıkes berilgen tirkeý nómirleri bar soıý pýnktterinde, et kombınattarynda nemese soıý ýchaskelerinde júrgizilýi tıis.
«Búgin biz mal soıý oryndarynyń ıelerimen veterınarlyq-sanıtarlyq talaptardyń saqtalýyn talqylaý maqsatynda jıyn ótkizdik. 2 sanatty ruqsaty joq jerlerde mal soıýǵa tyıym salynady», dedi memlekettik veterınarııalyq-sanıtarııalyq ınspektory, bas maman Melıs Qaınuldaev.
Qyrmyzy JUMAǴALIQYZY,
EUÝ stýdenti
