Mańǵystaýda iri kompanııalar áleýmettik mindetterin naqtylady

AQTAÝ. 16 qańtar. Mańǵystaý oblysy aýmaǵyndaǵy iri munaı-gaz óndirýshi kompanııalar óz jumysshylary aldyndaǵy áleýmettik mindetterin oryndaıtyndyqtaryn naqtylaı tústi. Bul týraly Mańǵystaý oblysy ákiminiń baspasóz qyzmeti habarlady. Munaı baǵasy tómendegenmen, óńirdegi eńbek ujymdaryndaǵy áleýmettik turaqtylyqty saqtaý máselesin ortaǵa salǵan basqosýǵa Mańǵystaý oblysynyń ákimi A.Aıdarbaev jáne Mańǵystaýdaǵy munaı-gaz óndirýshi mekemeler basshylary qatysqan. Álemdik naryqta munaı baǵasy tómendeý tendensııasy baıqalǵandyǵyn, búgingi tańda aımaqtaǵy kásiporyndardyń turaqtylyǵyn saqtaýdyń ózektiligin aıtqan óńir basshysy kásiporyn basshylaryn aldyńǵy kezekte jumys oryndaryn saqtaý, jumysshylardy qysqartýǵa jol bermeý jáne eńbekaqynyń tómendeýin boldyrmaýǵa shaqyrǵan. Jıyn nátıjesinde taraptar qańtardyń 20-na deıin jumysshylardyń eńbekquqyn qamtamasyz etý týraly Memorandýmǵa qol qoıady dep kútilýde. Gúlaıym Shyntemirqyzy. Derek, sýret: Mańǵystaý oblysy ákiminiń baspasóz qyzmeti.