Foto: rapsinews
Qadaǵalaý organynyń baspasóz qyzmeti habarlaǵandaı, Úılestirý keńesinde kásipkerlerdiń quqyqtary men múddelerin qorǵaý salasyndaǵy zańdylyqtyń jaı-kúıi talqylandy.
«Atap aıtqanda, polısııa organdary men ekonomıkalyq tergeý departamenti bastaǵan sotqa deıingi toǵyz tergeý boıynsha prokýror negizderdiń jetkiliksizdigine baılanysty olardy toqtatý týraly sheshim qabyldady. Bes qylmystyq is boıynsha tergeýshilerdiń bıznes sýbektileriniń ókilderinen múlik pen qujattardy alyp qoıý, bank shottary boıynsha zańsyz shekteý jónindegi áreketteri zańsyz dep tanyldy», dep habarlady prokýratýranyń baspasóz qyzmeti.
Bıyl prokýratýranyń mobıldi toptary 43 habarlama qabyldady, onyń 23-i rastaldy. Prokýrorlar 16 qadaǵalaý aktisin engizip, 9 adamdy jaýapqa tartty, sondaı-aq, 29 zańsyz salyqtyq tekserýdiń kúshin joıdy. Sonymen qatar óńirge 52 mlrd teńgeden astam ınvestısııa salǵysy keletin 7 ınvestorǵa kómek qajet ekeni anyqtaldy.
«Anyqtalǵan buzýshylyqtar boıynsha prokýratýra segiz qadaǵalaý aktisimen jaýap berdi, qylmystyq qýdalaý organdarynyń 11 qyzmetkeri tártiptik jaýapkershilikke tartyldy», dep tolyqtyrdy baspasóz qyzmeti.
Qyrmyzy JUMAǴALIQYZY,
EUÝ stýdenti
