Foto: QR IIM Ulttyq ulany “Ortalyq” óńirlik qolbasshylyǵynyń baspasóz qyzmeti
Oqıǵa 4 maýsym kúni saǵat 19:10 shamasynda boldy. Ulttyq ulannyń 6697 áskerı bólimi áskerı polısııasynyń aǵa anyqtaýshysy leıtenant Álimjan Rústemov qyzmetten úıine kele jatyp, Qobylandy batyr kóshesi boıyndaǵy úıdiń mańyna jınalǵan adamdardy baıqaǵan. Jınalǵan qaýymnyń nazaryn besinshi qabattan sekirgeli turǵan 13-14 jasar qyz aýdartty. Ulandyq ofıser ýaqyt joǵaltpaı, birden qyzdyń páterine qaraı júgirip baryp, sekirýdiń aldyn alý maqsatynda, qyzdy aldaý áreketi arqyly qutqaryp qaldy.
«Sekirýge bekingen qyz balanyń páterin naqty bilmesem de, jobamen taýyp alarmyn dep jyldam jetip bardym. Qasynda qart atasy bar eken. Degenmen, qyzdyń isinen múldem sózge kelispeýshilik baryn baıqap, aldarqata turyp, táýekelmen umtyldym», deıdi leıtenant Rústemov.
Oqıǵa ornyna dereý jedel-járdem shaqyryldy. Qazirgi ýaqytta jasóspirim jaqyndarynyń qasynda.
Dál osy keshte saǵat 20:10 kezinde joǵaryda atalǵan áskerı bólimniń mamany kishi serjant Ernar Aıdarbek te tártip buzýshyny ustaýǵa septigin tıgizdi. Ol Qostanaı qalasy boıynsha polısııa departamentinde jedel basqarý ortalyǵynda qyzmet atqarý barysynda baqylaý kameralarynan Abaı – Gogol kósheleri qıylysynda jaıaý júrginshini kólikpen qaǵyp, oqıǵa ornynan boı tasalaǵan TAN markaly avtokóligin baıqady. Nusqaýlyq erejelerine saı, áskerı qyzmetshi oqıǵany birden polısııaǵa baıandady. Shuǵyl habarlamanyń arqasynda oqıǵa ornyna jedel jetken polıseıler tártip buzýshyny birden qolǵa túsigen.
Atalmysh oqıǵa boıynsha tergeý jumystary júrgizilip jatyr.
Qyrmyzy JUMAǴALIQYZY,
EUÝ stýdenti
