Desantshylardyń daıyndyq deńgeıi joǵary

Qazaqstan desanttyq-sha­býyldaý áskerleriniń áskerı qyzmetshileri ózge elderdiń qatysýshylarymen birge tapsyrylǵan oqý-jaýynger­lik mindetterdi oıdaǵydaı oryndap shyqty. Olardyń kóp­ultty bólimsheler qura­myndaǵy mashyq-daǵdylary men úılesimdi qımyly Túr­kııa Qarýly kúshteriniń nus­qaýshylary tarapynan jo­ǵary baǵalandy.

– Jattyǵý barysynda de­santtyq-shabýyldaý ás­ker­leriniń jeke quramy atys qarýy men sheteldik qarý-jaraqty ıgerip qana qoı­maı, basqa elderdiń áske­rı kontıngentimen ózara is-qı­myl jasap, tájirıbe almas­ty. Úılesimdi jumys úshin tip­ti tildik kedergi de tos­qa­ýyl bolǵan joq. Alǵa qoıyl­ǵan mindetterdi oryndaýǵa áskerı qyzmetshilerimiz­diń joǵary kásibıligi negiz boldy, – deıdi top úılestirýshisi, podpolkovnık Madııar Qanaev.

Oqý-jattyǵý josparyna sáıkes, qatysýshy taraptar­dyń áskerı qyzmetshileri ártúr­li kalıbrli atys qarýynan praktıkalyq atystardy, eldi mekende urys júrgizip, shartty qarsylasty beıtarap­tandyrý jónindegi mindetter­di oryndady. Sanıtarlyq bólimsheler jaralanǵan ás­kerı qyzmetshige alǵashqy medısınalyq kómek kórsetý men urys jaǵdaıyna barynsha jaqyndatylǵan evakýasııa­laý daǵdylaryn pysyqtady. Oqý-jattyǵýǵa qatysqan ás­kerı qyzmetshilerge joǵary kásibıligin rastaıtyn sertıfıkattar tabys etildi.

Esterińizge sala ke­te­ıik, «EFES-2024» halyq­ara­lyq kóp­ultty oqý-jat­ty­ǵýy tájirı­be almasý, qa­ty­sýshy elder áskerı qyz­met­shi­­leriniń birlesken qyz­me­tin uıymdastyrý, son­daı-aq olar­dyń kásibıligi men da­ıyn­dyq deńgeıin odan ári art­tyrý maqsatymen ótti.