Oqý jylynyń sońyna qaraı oza shapqan daryndarǵa qurmet kórsetildi. Pavlodar oblysynyń ákimi Asaıyn Baıhanov daryndy balalarmen, halyqaralyq, respýblıkalyq olımpıadalardyń jeńimpazdarymen jáne júldegerlermen kezdesip, jetistikterimen quttyqtady.
«Sizderdiń halyqaralyq jáne respýblıkalyq deńgeıdegi zııatkerlik olımpıadalarda jetken jetistikterińizdiń nátıjesinde oblysymyzdyń bilim júıesi joǵary baǵalanady. Keremet daıyndyq deńgeıin kórsettińizder. Biz sizderdi Ertistiń, Pavlodar óńiriniń patrıottary retinde kórgimiz keledi», dedi óńir basshysy.
Olımpıada jeńimpazdary men júldegerlerine Alǵyshattar men 100 myń teńgelik sertıfıkat tabys etildi. Sondaı-aq mektep ustazdaryna oqýshylardy daıarlaǵany, tárbıe bergenderi, ata-analardy qoldaǵany úshin alǵys aıtyldy.
Respýblıkalyq jáne halyqaralyq olımpıadalardyń jeńimpazdaryn daıarlaǵan ustazdarǵa aqshalaı syılyq taǵaıyndaldy. Bıyl 45 ustaz atalǵan syılyqtyń ıegeri atandy. Olardyń ishinde daryndy balalarǵa arnalǵan №8 mektep-lıseıiniń fızıka muǵalimi Anatolıı Bılıda men matematıka muǵalimi Lılııa Stadnıkova, daryndy balalarǵa arnalǵan №3 gımnazııanyń fransýz tili muǵalimi Qymbat Bataeva bar.
Pavlodar oblysy
