Jıynda Qazaqstan Respýblıkasy Úkimetiniń 2024 jylǵy 31 mamyrdaǵy №432 qaýlysymen bekitilgen «Qazaqstan Respýblıkasynda zańsyz oıyn bıznesi men lýdomanııaǵa qarsy is-qımyl jónindegi 2024 – 2026 jyldarǵa arnalǵan keshendi jospary» talqylandy.
Búgingi kúni áskerı qyzmetshiler arasyndaǵy oıynqumarlyqtyń aldyn alý ózekti máselelerdiń biri. Profılaktıkalyq is-sharalardyń barlyq túrlerin qoldaný, jeke quram arasyndaǵy túsindirme jumysyn júrgizý, beınerolıkter kórsetý arqyly oıynqumarlyq saldarynan jasalatyn qylmystardyń, óz-ózine qol jumsaýdyń aldyn alý arqyly olardyń sanyn tómendetý maqsaty qoıyldy.
Áskerı qyzmetshiler arasynda oıynqumarlyqtyń yqpalymen jasalatyn quqyq buzýshylyqtardyń sanyn azaıtý, jeke quram arasynda barynsha nasıhattaý-aqparattandyrý jumysyn júrgizý basty nazarǵa alyndy.
Oıynqumarlyqtyń aldyn alý arqyly áskerı qyzmetshilerdi álemettik ońaltý úderisine úles qosý jumysyna nazar salý. «Senim telefondarynyń» jumysy arqyly profılaktıkalyq is-sharalardy tolyqqandy júrgizý.
Otyrys sońynda tóraǵalyq etýshi polkovnık Muhamed-Qalı Qarsybekov Qarýly Kúshteriniń, basqa da áskerler men áskerı quralymdarynyń jeke quramyna atalǵan sharalar arqyly keshendi jospardyń talaptaryn jetkizý jáne olarmen jumys isteýdi baqylaýdy tapsyrdy.
