Klýb jetekshisi basqosýǵa qatysqan áriptesteriniń saýalyna jaýap bere otyryp, buǵan deıin júzege asqan irgeli jumystarǵa toqtaldy. Sondaı-aq uıymnyń jumysyn jetildirýge qatysty josparlanyp otyrǵan ilkimdi jobalardy atap ótti. Sonymen qatar jıynda «Abai tv» telearnasynyń dırektory Erkin Muhamedjanov, «Halyq Uni Media» medıaholdınginiń dırektory Rınat Kertaev, «QRNews.kz» aqparat agenttiginiń bas dırektory Nurbol Tólebaev sóz sóılep, klýb jumysyna qatysty oı-pikirin ortaǵa saldy.
Kezdesý sońynda qoǵamdyq birlestiktiń jańa quramdaǵy basqarma músheleri jáne jańa músheleri tanystyryldy.
«Bas redaktorlar klýby» qoǵamdyq birlestiginiń jańa quramdaǵy basqarma músheleri – vıse prezıdentteri:
- Muratbek Toqtaǵazın – Respýblıkalyq «Ádilet.Rýhanı jańǵyrý» gazetiniń bas redaktory, professor;
- Rınat Kertaev - «Halyq Uni Media» medıaholdınginiń dırektory;
- Qambar Ahmetov– jýrnalıst, «Qazaq gazetteri» JShS bas dırektorynyń orynbasary;
- Marat Bashımov – qoǵam qaıratkeri, «Chelovek ı zakon» gazetiniń bas redaktory, Parlamenti Májilisiniń depýtaty;
- Nurbol Tólebaev – «QRNews.kz» aqparat agenttiginiń bas dırektory, Phd.
Klýbtyń jańa músheleri:
Ilham Ibragım - «7 arna» bas dırektory;
Jaınagúl Tólemis - «Habar» telearnasynyń dırektory;
Jasyn Birkenov - «24KZ» telearnasynyń dırektory;
Naǵashybek Aldan - «Qazaqparat» AA bas redaktory;
Nurbol Tólebaev - QRNews aqparattyq agenttiginiń bas dırektory;
Zarına Qýatova - «Taraz 24» telearnasynyń dırektory.
«Bas redaktorlar klýby» qoǵamdyq birlestiginiń atqarýshy dırektory bolyp jýrnalıst, medıamenedjer Bıbigúl Qulaman bekitildi.
«Bas redaktorlar Klýby» – 2007 jyly qurylǵan jáne quramyna Qazaqstannyń 300-den astam buqaralyq aqparat quraldarynyń bas redaktorlary men jetekshileri kiretin erikti qoǵamdyq birlestik.
Qyrmyzy JUMAǴALIQYZY,
EUÝ stýdenti
