Qos qýanysh

Uıymdastyrýshylardyń aıtýyn­sha, qala boıynsha qatysqan 500-ge ­jýyq úmitkerden 15 júldeger irik­tel­gen. Baıqaýda jas shekteýi joq. О́nerge talasy ­bar kez kelgen azamatqa esik ashyq eken. Áıtken­men jasy bar, jasamysy bar qatar jarys­qan sóz sa­ıysynda mektep oqýshylar qara úzip ­top jardy.

Jobany uıymdastyrýshy aqyn, Qazaqstan Jazýshylar odaǵynyń múshesi ári A.Pýshkın atyndaǵy qalalyq ámbebap kitapha­nasynyń qyzmetkeri Sún­det Seıitovtiń aıtýynsha, bıylǵy baıqaýdyń bási bıik boldy.

«Ataýly jarystyń talaby da erekshe boldy. Kórkemsóz oqý jarysy degenińiz bolmasa, naǵyz ǵylymı taldaý osy jerde jasaldy. Ár qatysýshynyń leksıkalyq, fonetıkalyq múm­­kindigin anyqtaý mańyzdy boldy. Ana tilimizdegi «á», «u», «ú», «ń» sııaqty tól dybys­ta­ryn aıta almaıtyn úmitkerlerdiń bary baı­qaldy. Árıne, bul olardyń kemshiligi emes, jaǵ­daı solaı... Jarysqa túsip, kem-ketigin jóndeý úmitker úshin óte mańyzdy. Bul joly baǵy men baby shappasa, keleside joly bolar», deıdi ol.

Báıgege ózge ult ókilderi de qatysty. Olar­dyń qazaq tilinde múdirmeı erkin sóıleýi baıqaýdyń kórigin qyzdyrdy. Aıtalyq, 6 maý­sym – ataqty Aleksandr Ser­geevıch Pýshkınniń týǵan kúni. Mádenı is-shara negizinen álemdik aqynnyń týǵanyna 225 jyl tolýyna oraı uıymdastyryldy. Al A.Pýshkın atyndaǵy qalalyq ámbebap kitaphanasy 1899 jyly uly aqynnyń 100 jyldyq mereıtoıy qarsańynda ashylǵan. Bıyl qarashańyraqtyń 125 jyldyq mereıtoıy.

«Igi bastamany júzege asyrý úshin nıetten basqa mate­rıal­dyq jaǵdaı da qajet. Al mun­daı jobalarǵa demeýshi tabý qıyn­nyń qıyny. Osynaý qıyndyqtan shyǵýǵa úles qosqan Shymkent qalasynyń atymtaı jomart azamattary bar. Siz ben bizge belgili «Otau Group» kom­panııasynyń prezıdenti, bıznesmen Qaırat Moldaseıitov alǵashqylardyń biri bolyp ataý­ly jobaǵa qoldaý kórsetti. Otandyq óndiristi damytýǵa úlken úles qosyp júrgen «Bal Tekstil» fabrıkasynyń basshysy, Shymkent qalasy máslıhatynyń depýtaty Talǵat Ysqaqov pen belgili qoǵam qaıratkeri Anarbek Ormanov ta azamattyq jasady.  «Shymkent Plaza» oıyn-saýyq ortalyǵy, J.Shanın atyndaǵy teatr,­ qýyrshaq teatry, ázil-syqaq jáne satıra teatry, «Shymkent-Sırk» ujymyna alǵysymyzdy bildiremiz», deıdi kitaphana dırektory Natalıa Sergeevna.

Endi baıqaý qorytyndysyna toqtalsaq: bas júldeni qazaq ti­linde Á.Qasteev atyn­daǵy óner jáne dızaın kolledjiniń stýdent­teri Á.Ábdiqadyruly, M.Medethan, О́.Momyn jáne orys tilinde A.Makarenko atyndaǵy №41 mektep-lıseıdiń 1-synyp oqýshysy A.Romanqul ıelense, júldeli I oryndy In­dýstrıaldy-tehnıkalyq kolledjiniń 2-kýrs stýdenti Á.Ábilda, A.Pýshkın atyndaǵy mektep oqýshysy A.Pak, О́.Jánibekov atyndaǵy OQPÝ-­dyń 2-kýrs stýdenti A.Kım ıelendi. ­Al júldeli II oryndy №65 mek­tep-gımnazııanyń 3-synyp oqý­shy­sy A.Málik, T.Tájibaev atyn­daǵy №47 mektep-gımnazııanyń 4-synyp oqýshysy A.Berik, M.О́tebaev atyndaǵy joǵarǵy jańa tehnologııalar kolledji­niń 1-kýrs stýdenti I.О́teshov, ­Tıtov atyndaǵy №20 mektep-lıseı­diń 5-synyp oqýshysy M.Vol­kov ıelendi. Júldeli III orynmen ­Jol-kólik kolledjiniń 2-kýrs stýdenti D.Bazaralyuly, Saz kolledji­niń 2-kýrs stýdenti M.Baı­myr­­za, О́.Jánibekov atyndaǵy OQPÝ-dyń 1-kýrs stýdenti О́.Turan, Saz kolledjiniń 1-kýrs stý­­denti Q.Jabaev, D.Mendeleev atyn­daǵy №15 mektep-lıseıdiń 9-synyp oqýshysy A.Músirálıeva, M.Mámetova atyndaǵy №35 mek­teptiń 4-synyp oqýshysy A.Quttybaı marapattaldy.

Baıqaýdyń barlyq jeńim­pazdaryna ártúrli deńgeıdegi dıplomdar, atalymdar jáne syı­lyqtar tabystaldy. Sonymen qatar baıqaý úmitkerlerin daıyndap, bilimin shyńdaǵan muǵalimder men jetekshiler de alǵyshattarmen marapattaldy.

ShYMKENT