Aımaqtar • 13 Maýsym, 2024

Qulsarylyq 2500 turǵyn baspanasyn jóndeý úshin ótemaqy alady

123 ret

kórsetildi

1 mın

oqý úshin

Qulsaryda 2500-den astam turǵyn baspanasyn qalpyna keltirý úshin ótemaqy alý týraly kelisimge qol qoıdy, dep jazady Egemen.kz.

Dana MYRZAQADIR

Qulsarylyq 2500 turǵyn baspanasyn jóndeý úshin ótemaqy alady

Foto: akorda.kz

Atyraý oblysynyń TJ jónindegi jedel shtabynyń aqparatyna sáıkes qazir 1931 turǵynnyń jeke shotyna aqsha aýdarylǵan. Onyń ishinde 996 adam turǵyn úı satyp alý úshin, 935 adam úıine jóndeý júrgizý úshin qarajat aldy.

«Biz Atyraý shaǵynaýdanynda bir jyl turdyq. Tasqyn kezinde úıimiz sý astynda qaldy. Baspanamyz jańadan salynǵandyqtan, synaqty kóterý ońaı bolmady. Ákimdik úıimdi jóndeýge jumsalatyn shyǵyndy óteý úshin aqshalaı ótemaqy bóldi. Usynylǵan somaǵa kóńil tolǵandyqtan kelisimshart jasastyq. Úsh kúnnen keıin ótemaqy shotyma tústi. Úıdi jóndeýge kirisip kettik», dedi Qulsary qalasy Atyraý yqshamaýdanynyń turǵyny Eskendir Izmaǵanbetov.

Qulsaryda tasqyn sýdan zardap shekkenderge arnalǵan 100 úıdiń qurylysy jalǵasyp jatyr. 5 bólmeli ár úıdiń aýdany - 100 sharshy metrdi quraıdy. Munda as úı, eki jatyn bólme, qonaq bólme jáne jýynatyn bólme bar. Úılerdi jergilikti qurylys kompanııalary salyp jatyr.