Foto: cfr.org
Sammıttiń basty taqyryptarynyń biri Afrıka jáne kóshi-qon taqyryby bolmaq. Italııa tóraǵalyǵynyń basymdyqtary – Ýkraınaǵa qoldaý kórsetý, energetıkalyq jáne ekonomıkalyq qaýipsizdik, mıgrasııa men Afrıka, Gazadaǵy qaqtyǵysty sheshý máseleleri bolmaq.
Kezdesýge G7 elderiniń basshylary: Italııa premer-mınıstri Djordjııa Melonı, AQSh prezıdenti Djo Baıden, Ulybrıtanııa premer-mınıstri Rıshı Sýnak, Fransııa prezıdenti Emmanýel Makron, Germanııa kansleri Olaf Shols, Kanada premer-mınıstri Djastın Trıýdo jáne Japonııa premer-mınıstri Fýmıo Kısıda qatysady.
Sammıtke Eýropalyq odaqtyń ókilderi Eýropalyq komıssııa tóraǵasy Ýrsýla fon der Leıen jáne Eýropalyq keńes tóraǵasy Sharl Mıshel de qatysady.
«Sammıt «Úlken jetiliktiń» kóshbasshylary úshin zań ústemdigine negizdelgen halyqaralyq tártipti qoldaýǵa jáne damýshy eldermen qarym-qatynasty nyǵaıtýǵa berik ustanymdaryn kórsetýge múmkindik beredi», delingen Eýropalyq keńestiń veb-saıtyndaǵy málimdemesinde.
Sonymen qatar sammıtke Úndistan, Saýd Arabııasy, Iordanııa, Ońtústik Afrıka, Brazılııa, Argentına, Túrkııa, Aljır, Kenııa jáne Mavrıtanııanyń joǵary laýazymdy ókilderi qatysady dep josparlanǵan. Rım Papasy Fransısk te shaqyryldy.
Erlan KIIKBAI,
EUÝ stýdenti
