Mindetter mejelendi

Keshe Úkimet úıinde Premer-Mınıstrdiń birinshi orynbasary Baqytjan Saǵyntaev saýda saıasaty jáne halyqaralyq ekonomıkalyq uıymdarǵa qatysý máseleleri boıynsha vedomstvoaralyq komıssııa otyrysyn ótkizdi, dep habarlady Premer-Mınıstrdiń baspasóz qyzmeti. Otyrys barysynda otandyq kásiporyndar úshin shıkizatqa ım­porttyq keden bajy mólsher­lemesi jáne mazýtqa, vakýýmdyq gazoılǵa jáne pesh otynyna qatysty shetke shyǵarý keden bajyn ózgertý boıyn­sha usynystar qaraldy. Sondaı-aq, komıssııa Keden odaǵy elderi bastamashylyq et­ken birqatar taýarlar ımporty­na keden bajy mólsherlemesin ózger­tý­diń maqsattylyǵyn qarady. Vedomstvoaralyq komıssııa otyrysynyń qorytyndysy bo­ı­yn­sha Baqytjan Saǵyntaev birqa­tar tıisti tapsyrmalar berdi. * * * Osy kúni Premer-Mı­nıs­tr­diń birinshi orynbasary Ba­qytjan Saǵyntaevtyń tóraǵa­lyǵymen Kásipkerlik qyzmetti retteý máseleleri boıynsha vedomstvoaralyq komıssııanyń 17-shi otyrysy ótti. Komıssııa maqta salasyn damytý máselelerin qarady. Atap aıtqanda, maqta óńdeıtin uıymdardyń basqa qyzmetti júzege asyrýyna tyıymdy alyp tastaý týraly usynys qoldaý tapty. Bul shekteý «Maqta salasyn damytý týraly» zańmen reglamenttelgen. Sondaı-aq, komıssııa qarjylyq monıtorıng sýbektileriniń tizimin keńeıtý máselesin qarady. Búgingi kúnderi aqshany jylystatýǵa jáne qarjylyq lańkestikke qarsy turý jónindegi halyqaralyq standarttar boıynsha Qazaqstanda qylmystyq jolmen alynǵan kiristerdi zańdastyrýǵa (jylystatýǵa), qarjy qyzmetin usynatyn jáne lań­kestikti qarjylandyratyn barlyq tulǵalarǵa qarsy turý jó­­nin­degi zańnamalar talaptaryn saq­taý rejimin taratý talap etiledi. Vedomstvoaralyq komıssııa otyrysynyń qorytyndysy boıynsha B.Saǵyntaev qabyldanǵan sheshimderdi júzege asyrý jóninde birqatar tapsyrmalar berdi. * * * Sondaı-aq, Premer-Mı­nıs­trdiń birinshi orynbasary Baqytjan Saǵyntaev mem­le­kettik organdar, «QazMunaıGaz» AQ, otandyq munaı óńdeýshi kásiporyndar basshylarynyń qatysýymen munaı óńdeýshi ónerkásipti damytý máseleleri boıynsha keńes ótkizdi. Keńeste ishki naryqty ashyq tústi munaı ónimderimen qamtamasyz etý máseleleri qaraldy, sondaı-aq Pavlodar munaı-hımııa zaýyty, Atyraý, Shymkent munaı óńdeý zaýyttaryn qaıta qurý jáne jańǵyrtý jobalarynyń iske asyrylý barysy jaıly esepter tyńdaldy. Energetıka mınıstrliginiń derekterine súıensek, 2014 jyly bul kásiporyndarda shamamen 1,9 mln. tonna AI-92 markaly benzın jáne 4,1 mln. tonna dızel otyny óndirildi. AI-92 markaly benzındi ishki tutyný kólemi 2,9 mln. tonnany, dızel otyny 4,9 mln. tonnany qurady. Munaı ónimderiniń jetispeıtin kólemi ımporttaldy. Úsh otandyq MО́Z-de qaıta jóndeý men jańǵyrtýdy 2016 jyldyń aıaǵyna deıin aıaqtaý josparlanǵan. Bul ashyq tústi mu­naımen ishki suranysty tolyqtaı qamtamasyz etýge, 2017 jylǵa qaraı zaýyttardyń jıyntyq qýatyn jylyna 18,5 mln. tonnaǵa ulǵaıtýǵa múmkindik beredi. Baqytjan Saǵyntaev bekitilgen kestege sáıkes MО́Z qaıta jóndeý jáne jańǵyrtý jumystaryn aıaqtaýdy tapsyrdy. Jobalardy iske asyrý barysy Úkimettiń turaqty baqylaýynda bolmaq.