Kompanııa basshysy Talǵat Ysqaqovtyń aıtýynsha, «Bal tekstıl» kilem jáne kilem buıymdaryn shyǵaratyn elimizdegi tuńǵysh fabrıka bolsa, Ortalyq Azııada da eń iri kilem toqý kásiporyndarynyń birine kiredi. О́ndiris ornynyń tarıhyna toqtalsaq, 2013 jyly «Indýstrııalandyrý kartasy» aıasynda Shymkentte ornalasqan «Ońtústik» arnaıy ekonomıkalyq aımaǵynan ashyldy. О́z kezeginde arnaıy ekonomıkalyq aımaqtyń qurylýy elimizde toqyma ónerkásibin damytýǵa arnalǵan bolatyn. Búgingi tańda toqyma fabrıkalary shoǵyrlanǵan bul aımaqta kásipkerlerge memleket tarapynan bar jaǵdaı jasalǵan. Máselen, ımporttyq shıkizatqa salyq pen kedendik baj salyǵy boıynsha jeńildikter qarastyrylǵan. Budan bólek ınjenerlik-kommýnıkasııalyq ınfraqurylymdar kásiporyn alańyna deıin tegin tartylady. Mine, osyndaı qoldaýdyń nátıjesinde, kilem buıymdaryn shyǵaratyn kásiporyn qysqa merzimde óndiristi alǵa qoıyp, kóptegen sheteldik áriptesterimen seriktestik ornatýǵa múmkindik aldy.
«О́zim jastaıymnan kásipker bolsam dep armandaıtynmyn. Jaı alyp-satýmen emes, naqty bir elge paıdasyn tıgizetin zat shyǵarsam degen maqsatym boldy. Sol ıdeıamnan ómirge osy «Bal Tekstıl» kompanııasy keldi. Qazir kilem toqý fabrıkasy mamandandyrylǵan úlgidegi otandyq óndiristi damytýǵa úlken úles qosyp jatyr. Nelikten kilem buıymdary óndirisiniń bıznesine toqtaldym degen saýalǵa jaýap bersem, basynda men saýdamen aınalystym. Syrttan kilem buıymdaryn ákelip sattym. Sonda tutynýshylardyń ádemi qaly kilemderge suranysy joǵary ekenin baıqadym. Shymkent qalasynda arnaıy ekonomıkalyq aımaqtyń ashylýy kópten beri oıymda júrgen josparlarymdy júzege asyrýdyń keremet sáti boldy. Iri kásiporyn qurý úshin demeý bolatyn ınvestısııalyq qarjy qajet ekeni belgili. Osy oraıda, tabysty kelissózderdiń nátıjesinde, menimen seriktes bolýǵa ýaǵdalasqan ınvestorlar tabylyp, eki taraptyń kúshimen osy búgingi zaýyttyń irgetasy qalandy» dedi kásiporyn basshysy T.Ysqaqov.
Aıta ketý kerek, alǵashqy 8 jyl ishinde kompanııa 4 kezeń boıynsha damydy. 2018 jyly 3-seh paıdalanýǵa berilse, 2021 jyly 4-sehtyń qurylysy aıaqtaldy. Osynaý aýqymdy keńeıýler arqyly boı kótergen sehtarda zamanaýı qural-jabdyqtar paıda bolyp, óndiris kúshiniń artýyna baılanysty kóptegen jańa jumys oryndary ashyldy.
Kásiporyn qurý da ońaı emes. Sondyqtan bastapqy kezde biraz qıyndyqtardyń bolǵanyn aıtady kompanııa basshysy T.Ysqaqov. Máselen, ónimdi ótkizý máselesinde qıyndyqtar týdy. Sebebi alǵashynda ózimizdiń azamattar otandyq kilemdi kórip tańǵalǵanymen, onyń sapasy ımporttyq balamamen salystyrǵanda bir mysqal da kem túspeıtinine shamaly kúmánmen qarapty. Áý basta ishki naryqty sheteldiń kilemderi jaýlady. Onyń ishinde túrik kilemderi boldy. Jurt sol ımporttyq taýarlardy birazǵa deıin artyq kórip júrdi deıdi. Biraq atqarýshy bılik árdaıym otandyq óndiristiń óristeýine qoldaý kórsetedi. Sonyń nátıjesinde, kásiporyn iske qosylǵan soń tez arada aıaqqa turyp ketti. Tipti búgingi tańda shetelden keletin ınvestorlar megapolıstiń óndiristik áleýetimen tanysý úshin arnaıy ekonomıkalyq aımaǵyna baryp, kilem toqý fabrıkasyna soqpaı ketpeıdi. Sonymen birge Prezıdent tapsyrmasyna oraı júzege asyrylyp jatqan qýatty óńirler strategııalyq josparyn oryndaý maqsatynda jergilikti óndiris oryndarynyń hal-ahýalyn zerdeleý úshin úkimettik deńgeıdegi atqarýshy bılik ókilderi de «Bal tekstıl» kilem toqý fabrıkasyna jıi bas suǵady.
Atalǵan seriktestik aınaldyrǵan on jyldyń ishinde-aq Qazaqstandaǵy joǵary sapaly jáne qymbat emes kilemder shyǵaratyn iri óndirýshige aınaldy. Osyǵan qarap fabrıkany shyn máninde elimizdegi kilem ónerkásibiniń kóshbasshysy deýge bolady. Kásiporyn tek ishki naryqty taýarymen qamtamasyz etip qana qoımaı, álemniń 10 eliniń de naryǵyn baǵyndyrdy.
Kompanııa basshysy «Bal Tekstıldiń» óndiristik baǵdarlamasy eki baǵytta quralǵanyn aıtady. Ol kilem jáne kilem buıymdaryn óndirý men polıpropılen jipterin shyǵarý.
«Bizdiń kompanııa «BCF», «Heat-Set», «Frize» saýda markasymen kilemder toqıdy, sonymen birge polıpropılen jipterin shyǵarýdy jolǵa qoıdyq. О́ndiriske qajetti shıkizat ózimizde bolmaǵandyqtan tikeleı Túrkııa, Bangladesh, Úndistan, Reseıden jáne taǵy da basqa elderden aldyramyz. Kilemder Belgııanyń «Michel Van De Wiele» dep atalatyn joǵary tehnologııaly jabdyǵynda óndiriledi. Osy kúnde «Bal Tekstıl» fabrıkasy óndiristik jelisine 16 «Michel Van De Wiele» toqyma stanogin ornattyq» dedi T.Ysqaqov.
Al polıpropılendi sıntetıkalyq jipter Oerlikon Neumag (Germanııa), Allma Volkmann (Fransııa), SUPERBA (Fransııa), Ornek Makina (Túrkııa) fırmalarynyń sońǵy úlgidegi jabdyqtarynda ıiriledi.
Jalpy kásiporyn 2015 jyldyń ózinde kilem óndirýge, sondaı-aq polıpropılen jip shyǵarýǵa arnalǵan Heat Set, BCF, Freeze sekildi stanoktardy iske qosqan. Sol arqyly fabrıkadaǵy kilem toqý mashınalarynyń qýatyn tolyq paıdalanýǵa múmkindik týdy. Kompanııa kilem toqý isine qajetti jipti de ózderi óndiretin bolǵandyqtan shıkizatqa degen táýeldilikten birshama aryldy. Bul óz kezeginde óndiriletin kilem buıymdarynyń assortımentin keńeıtýge, ónimniń ózindik qunyn tómendetýge jol ashty.
Seriktestik basshysynyń málimdeýinshe, kilem jáne kilem buıymdarynyń óndiristik qýaty jylyna 7 mıllıon sharshy metrden asady eken. Al polıpropılen jipteriniń óndiristik qýaty jylyna 4 myń tonnany quraıdy.
On jyldan astam ýaqyt ishinde «Bal Tekstıl» kompanııasy tutynýshylar tarapynan úlken senimge ıe bolýymen qatar óndiristik salada da qomaqty tabystarǵa qol jetkizdi. Endeshe, sol jetistikterdi qysqasha sanamalap shyqsaq, máselen, 2013 jyly seriktestik elimizdiń eń usaq kásiporyndarynyń «TOP 20» qataryna kirdi. 2014 jyly otandyq taýar óndirýshiler arasynda ótkizilgen «Altyn Sapa» baıqaýynda «Bal Tekstıl» JShS ónimderi «Halyqtyń úzdik tutyný taýary» atalymy boıynsha jeńimpaz atandy. 2015 jyly biz aımaqtaǵy orta bıznes sýbektileri arasynda «Úzdik salyq tóleýshi» degen nomınasııany jeńip aldy. 2016 jyly Shveısarııanyń Jeneva qalasynda ótken halyqaralyq konvensııada «Úzdik sapa» atalymy boıynsha «Altyn Juldyz» - ISAQ syılyǵyna ıe boldy. 2017 jyldyń maýsym aıynda «Qazaqstannyń úzdik taýary» aımaqtyq baıqaýynda «Úzdik tutyný taýary» nomınasııasymen júldeli I oryn ıelendi. 2018 jyly «Altyn Capa» baıqaýynda «Halyq tutynatyn úzdik taýar» nomınasııasy buıyryp, arnaıy syılyqpen marapattaldy.
«Keń assortıment pen qoljetimdi baǵalardyń nátıjesinde, bizdiń kilemderimiz TMD elderinde ǵana emes Eýropa naryǵynda da úlken suranysqa ıe bolyp jatyr. Máselen, biz álemdegi eń iri turmystyq taýarlardy satatyn saýda jelisi IKEA-ǵa ónim jetkizýshi retinde Qazaqstan atynan endik. Bizdiń ónimder ulttyq standarttarǵa, ST-KZ talaptaryna, sonymen birge halyqaralyq ISO 9001-2009 standarttaryna tolyǵymen sáıkes keledi. Fabrıka jumysshylaryna da bar jaǵdaı qarastyrylǵan. Múmkindiginshe áleýmettik máselelerin sheshýge tyrysamyz. Sol úshin jumystan arnaıy avtobýs bólgizdik. Ol kún saıyn jumysshylardy eńbek kestesi boıynsha fabrıkaǵa ákelip, qaıta úılerine tasymaldaıdy. Budan bólek, kásiporynda áleýmettik talondar qarastyrylǵan. Onymen qaladaǵy iri saýda dúkenderi jelisinen úıge qajetti azyq-túlik taýarlaryn alýǵa bolady. Sondaı-aq jańadan jumysqa qabyldanatyn azamattarǵa tájirıbelik synaq merziminde qosymsha aqy tólenedi. Eger talaby jaqsy bolyp, ári qaraı biliktiligin arttyrǵysy kelse, shetelde tegin bilim alýǵa múmkindik bar. Eń bastysy, kásiporynda jumysshylar úlken ujym bolsa da ózderin bir úıdiń balalaryndaı sezinedi. Eńbekkerlerdiń bir-birimen syılastyǵy, jumysshy men basshylyqtyń arasynda qurmet biz úshin óte mańyzdy. Sondyqtan da birligi bekem, tatýlyǵy tonnyń ishki baýyndaı ujym qurý bizdiń basty maqsatymyz bolyp qala bermek», dedi T.Ysqaqov.
