Sýretti túsirgen – avtor
«Elimiz sportshylary buǵan deıin de kez kelgen Olımpııa oıyndarynan altyn, kúmis, qola medalmen oralyp júrdi. Tipti 2000 jyly Aýstralııanyń Sıdneı qalasynan 3 altyn, 4 kúmis oljalap, komandalyq esepte 22-orynǵa taban tiredik. Rıo de Janeıro qalasynan da abyroımen oraldy. Alaıda Tokıoda jolymyz bolmady. Nebári 8 qola medaldy qanaǵat tuttyq. Azııa oıyndarynda da kórsetkishimiz nashar boldy. Memleket basshysy Qasym-Jomart Toqaev bul kemshilikten qorytyndy shyǵarý úshin mınıstrlik pen Olımpıada komıtetiniń, federasııa músheleriniń birigip, uıymshyldyqpen jumys isteýin talap etti. Shtabqa bedeldi azamattar, sportta tolaǵaı tabystarǵa qol jetkizgender múshe bolyp, problemalardy sheshý joldaryn qarastyryp jatyr», dedi Elsııar Baımuhametuly.
Kezdesý ótip jatqan kezde el qorjynyna 71-lısenzııany ústel tennısi ókili saldy. Munyń aldynda Týrızm jáne sport mınıstri Ermek Marjyqbaev Parıj Olımpıadasynda 80-ge tarta joldama alý múmkindigimiz bar ekenin habardar etken edi. Endi sol bıikten kórinýge jaqyn qaldyq. Elsııar Qanaǵatovtyń aıtýynsha, jeńil atletıka, júzýden joldama alýymyz múmkin eken.
«Dál qazir sportshylarymyzdyń Parıjden qansha medal alatynyn boljaý múmkin emes. Boksshylardyń 10 joldamaǵa ıe bolǵany belgili. Bokstan kem degende bir altyn alsaq, mereıimizdiń ústem bolǵany. О́kinishke qaraı, qyzdar kúresinen joldamasyz qaldyq. Buryndary dál osyndaı «áttegen-aı» bolmap edi. Desek te, medalǵa qol sozatyn azamattarymyzǵa senemiz. Ábıbanyń Parıj tórinde medalǵa qol sozýǵa múmkindigi mol. О́ıtkeni bul qyzymyz keıingi jyldary turaqty nátıje kórsetip júr. Al ataqty dzıýdoshymyz Eldos Smetov óziniń armany – altyn alqasyna qol jetkizse, qazaq eliniń myńdaǵan jankúıeri bórkin aspanǵa atary sózsiz. Eldostyń kúmisi men qolasy bar. Jetpeı turǵany – altyn medal. Gımnasshylar men semserlesý sheberleriniń de syn sátte bar kúsh-jigerin salatyny belgili», dedi Elsııar Qanaǵatov.
28 tamyz ben 8 qyrkúıek aralyǵynda Parıjde paralımpıada oıyndary ótedi. Qazirdiń ózinde bizde 12 joldama bar. Dúbirli dodaǵa ulttyq quramadan 39 sańlaq qatysady dep kútiledi. Voleıboldy otyryp oınaýdan erler quramasy medal úshin talasýǵa múmkindigi bar. Olımpıada chempıony Denıs Degtıarev óziniń ekinshi altyn alqasyna qol jetkizý úshin kúsh salatyny sózsiz. Parataekvondoshy Nurlan Dombaev, Nyshan О́miráli, Kamıla Dosmalova, parajúzýshi Nurdáýlet Jumaǵalı, parakanoeshi Bıbarys Spataı, parajeńil atlet Dastan Muqashbekov, taǵy basqalardan qazaq eli úmit kútedi.
Týrızm jáne sport komıteti tóraǵasynyń orynbasary Azamat Imashev sportshylardyń Parıj Olımpıadasynda nátıjeli óner kórsetýine barlyq jaǵdaı jasalǵanyn aıta kelip, olardyń syn sátte namysty janyp, kók týdy bıikte jelbiretetinderine senetinin aıtty. Kezdesý sońynda E.Qanaǵatov qazaq sport jýrnalıstıkasynyń kóshbasshysy Nesip Júnisbaıǵa Olımpıada komıtetiniń mereıtoılyq medalin tabys etti.
Ońdasyn Elýbaı,
Qazaqstannyń qurmetti sport qyzmetkeri
