Foto: azattyq-ruhy.kz
Qurbandyq durys bolý úshin baýyzdalatyn malǵa qatysty sharıǵatymyzda mynadaı talaptar qoıylady:
- Qurbandyqqa qoı, eshki, iri qara nemese túıe shalý. Maldyń erkegi de, urǵashysy da jaraıdy. Eti kóp, dámi jaqsy bolǵany abzal.
Qoı men eshki bir adamnyń atynan baýyzdalady. Bir adam eki qoı baýyzdasa, ekeýi de qurbandyq bolady jáne eki qurbandyqtyń saýabyn alady. Al, túıe men iri qarany bir adamnan jeti adamǵa deıin shalýǵa bolady. Munda jeti adamnyń da nıeti qurbandyq shalý nemese etin sadaqa etý bolý kerek.
- Aqaýy joq, minsiz maldy qurbandyqqa shalý. Kózi kórmeıtin, bir kózi joq, aqsaq, tym aryq, tisteri joq, qulaǵy kesilgen, jelini kepken, quıryǵy nemese qulaǵynyń úshten bir bóliginen kóbi kesilgen maldy qurbandyqqa shalý durys emes.
Múftııat málimetinshe, múıizi joq nemese múıizi synǵan, qulaǵy jarylǵan nemese tesilgen maldy qurbandyqqa shalýǵa bolady. Sonymen qatar pishtirilgen maldy da qurbandyqqa shalady. Ondaı maldyń eti mol ári dámi tátti bolady jáne ol aıyp bolyp eseptelmeıdi.
Satyp alǵan qurbandyq maly aıypty bolyp qalsa, ony saý malǵa aýystyrady. Maldy baýyzdaıtyn kezde ne baýyzdaý sebebimen kózin shuqyp alsa nemese soıýǵa apara jatyp aıaǵyn syndyryp alsa, onyń oqasy joq.
- Belgili jasqa jetken maldy qurbandyqqa shalý. Qoı men eshki bir jasqa jetý kerek. Úlkendigi bir jasar qoıǵa uqsas alty aıǵa tolǵan semiz ári iri qoıdy da qurbandyqqa shalýǵa ruqsat etiledi. Al, iri qara eki jasqa, túıe bes jasqa tolýy shart.
Paıǵambarymyz (oǵan Allanyń salaýaty men sálemi bolsyn): «Mýsınnadan basqasyn soımańdar. Senderge qıyndyq týǵanda ǵana qoıdyń jazaǵasyn soıyńdar», degen. Mundaǵy «Mýsınna» dep bes jasar túıege, eki jasar iri qaraǵa, bir jasar qoıǵa aıtylady. Ábý Hanıfa, qoıdyń jazaǵasy onyń alty aılyǵy dep túsindiredi.
