Foto: baq.kz
Aýyl sharýashylyǵy mınıstrliginiń baspasóz qyzmeti bul shekteý jazdyń sońyna deıin kúshinde bolatynyn habarlady. Tyıym Qazaqstan aýmaǵy arqyly qanttyń halyqaralyq tranzıtine qoldanylmaıdy. Mamyr aıynyń basynda bul ónimdi eksporttaýǵa shekteý qoıý týraly sheshim qabyldandy.
«Jaz mezgilinde ishki naryqta halyq tarapynan da, ónerkásiptik tutynýshylar tarapynan da qant tutynýdyń artýy baıqalady. Osyǵan baılanysty ishki naryqty qamtamasyz etý jáne onyń reeksportyn boldyrmaý maqsatynda qant eksportyna ýaqytsha tyıym salyndy», dep túsindirdi Aýyl sharýashylyǵy mınıstrligi.
Mınıstrliktiń málimetinshe, qazir Qazaqstanda qant qyzylshasynyń jańa ónimi piskenshe ishki naryqtaǵy suranysty qanaǵattandyrýǵa jetkilikti qant qory bar. Sonymen qatar otandyq qant zaýyttary óndiristi qoldaý úshin elderden qamys shıkizatyn ımporttaıdy. EEK sheńberinde Qazaqstan úshin 2024 jylǵa arnalǵan 300 myń tonna kólemindegi qant shıkizatyn bajsyz ákelýge kvota kelisildi.
Altynaı ABDYSh,
L.N.Gýmılev atyndaǵy EUÝ stýdenti
