Foto: kapital.kz
Energyprom sarapshylary taksıge eń kóp suranysqa ıe bolǵan óńirlerdi anyqtady:
Batys Qazaqstan oblysy – 3,8 mln adam;
Almaty – 3 mln adam;
Astana – 2,7 mln adam;
Qaraǵandy oblysy – 1,4 mln adam;
Qostanaı oblysy – 1,3 mln adam.
Taksı qyzmeti Jetisý (353,7 myń adam), Atyraý (407 myń adam) jáne Almaty (422,2 myń adam) oblystarynda eń az paıdalanylǵan.
Jolaýshylar aınalymy 14,7%-ǵa tómendep, 553,2 mln pkm qurady.
Jolaýshylar tasymalymen aınalysatyn kompanııalar qańtar-sáýir aılarynda 2,8 mlrd teńge kiris aldy. Qundyq mándegi kiris ósimi 53,8%-dy quraıdy.
2024 jyldyń mamyr aıynyń sońynda taksı qyzmeti bir jylmen salystyrǵanda 11,7%-ǵa qymbattady.
Taksı qyzmeti Almatyda – 31,3%-ǵa, sondaı-aq Aqtóbe (22,1%) jáne Batys Qazaqstan (21,3%) oblystarynda eń kóp ósti. Taksı qyzmetiniń quny eń joǵary ósken bes aımaqqa sondaı-aq Shymkent (16,9%-ǵa) jáne Aqmola oblysy (13,5%-ǵa) kirdi.
Baǵanyń eń az jyldyq ósimi Soltústik Qazaqstan (1%-ǵa), Jambyl (1%-ǵa) jáne Mańǵystaý (4,4%-ǵa) oblystarynda, sondaı-aq Astana qalasynda (5%-ǵa) tirkeldi.
Taksı qyzmetteriniń quny boıynsha álemdik reıtıńde Qazaqstan 73-shi orynda. Elimizde taksı qyzmetteriniń quny bir kılometrge 0,67 dollardy qurady – bul TMD memleketteri arasyndaǵy eń joǵary kórsetkish.
Al basqa eldergn keletin bolsaq, baǵalar kelesideı bólindi: Armenııa – 1 km jolǵa 0,28 AQSh dollary, О́zbekstan – 0,29 AQSh dollary, Ýkraına – 0,3 AQSh dollary, Belarýs – 0,31 AQSh dollary, Reseı – 0,34 AQSh dollary, Ázerbaıjan – 0,59 AQSh dollary.
Álemdegi eń tómen taksı tarıfteri Egıpette, Fılıppınde jáne joǵaryda atalǵan Armenııada, eń joǵarysy Shveısarııada, Lıýksembýrgte jáne Kýveıtte.
Altynaı ABDYSh,
L.N.Gýmılev atyndaǵy EUÝ stýdenti
