Foto: QR SIM
Murat Áýezov 1943 jylǵy 1 qańtarda Jambyl oblysy Merki aýylynda dúnıege kelgen.
Álemge áıgili jazýshy Muhtar Áýezovtiń otbasynda týǵan Murat Muhtaruly týǵan tiline, halqyna, mádenı murasyna degen súıispenshilikti boıyna sińirip ósti.
1965 jyly M.Lomonosov atyndaǵy Máskeý memlekettik ýnıversıtetiniń Shyǵys tilderi ınstıtýtyn fılolog-shyǵystanýshy mamandyǵy boıynsha támamdady.
KSRO Ǵylym akademııasynyń Álem ádebıeti ınstıtýtynda dıssertasııa qorǵap, ádebıet teorııasy boıynsha fılologııa ǵylymdarynyń kandıdaty atandy.
Qazaqstan Jýrnalıstıka Akademııasynyń tolyq múshesi.
Murat Áýezov «Qazaqfılm» kınostýdııasynda bas redaktor (1981-1987), Qazaqstan Jazýshylar odaǵynyń kórkem aýdarma jáne ádebı ózara baılanystar jónindegi alqasynyń basshysy (1988-1990), Qazaqstandaǵy «Mır» teleradıokompanııasynyń kórkemdik jetekshisi (1990), Qazaq KSR Joǵarǵy Keńesiniń depýtaty bolyp saılanyp, Keńes prezıdıýmynyń múshesi, parlamentaralyq baılanystar jónindegi komıtettiń tóraǵasy (1990), Ulttyq kitaphana dırektory (2003-2006) sekildi joǵary qyzmetterdi atqarǵan.
Elimiz táýelsizdigin jarııalaǵan kezde eldi ózgertýge belsene atsalysty.
Parlament depýtaty boldy, sonymen qatar ádebı zertteýlermen aınalysty, Qazaqstan Respýblıkasynyń Qytaı Halyq Respýblıkasyndaǵy tuńǵysh elshisi qyzmetin atqardy.
Kórkemdik prosestiń teorııasy men praktıkasy boıynsha 200-den astam jarııalanymnyń, sondaı-aq «Ýaqytty baılanystyrýshy jip» (1972), «Ippokrena. Ýaqyt qudyqtaryn aralaý» (1997) jáne «Qaıta oralý úshin ketý» (2002) sııaqty tanymal monografııalardyń avtory.
2007 jyldan beri Muhtar Áýezov atyndaǵy qordy basqaryp keldi.
