Foto: primeminister.kz
Qatysýshy alty eldiń – Qazaqstan, AQSh, О́zbekstan, Qyrǵyz Respýblıkasy, Túrikmenstan jáne Tájikstan ókilderi TIFA aıasynda saýda jáne ınvestısııalyq qatynastardy keńeıtý jáne ártaraptandyrý keleshegin talqylady.
Qazaqstan delegasııasyn Premer-mınıstrdiń orynbasary Serik Jumanǵarın basqardy. Vıse-premer jahandyq ekonomıkalyq turaqsyzdyq, sanksııalar, saýda qarama-qaıshylyqtary jáne jahandyq jetkizý tizbekterindegi irkilister jaǵdaıynda búgingi TIFA otyrysy «saǵattardy salystyrý» jáne ekonomıkalyq kún tártibindegi mańyzdy máseleler boıynsha aldaǵy basymdyqtardy belgileý úshin praktıkalyq platforma qyzmetin atqaratynyn atap ótti.
«О́ńirdiń eń iri ekonomıkasynyń biri jáne DSU múshesi retinde Qazaqstan TIFA platformasynyń ekijaqty ǵana emes, sonymen qatar óńirlik saýda qatynastaryn nyǵaıtýdaǵy joǵary áleýetin kórip otyrmyz. Bıyl TIFA Ortalyq Azııa aımaqtyq keńesiniń otyrysyn ótkizý – óńirlik yntymaqtastyq pen turaqtylyqtyń údemeli damýynyń taǵy bir dáleli, bul – Batys pen Shyǵystyń jahandyq naryqtaryn biriktirý arqyly álemdik ekonomıkany turaqtandyrýda mańyzdy ról atqarady», dep atap ótti Serik Jumanǵarın.
AQSh-tyń saýda ókili, elshi Ketrın Taı óz kezeginde TIFA elderi ekonomıkasynyń turaqty ósýin qamtamasyz etý úshin kúsh-jigerdi birge úılestirý qajettigin atap ótti.
«Ortalyq Azııa AQSh úshin óte mańyzdy ekonomıkalyq jáne strategııalyq seriktes bolyp qala beredi. Biz sondaı-aq klımattyń ózgerýin, tehnologııalyq jáne ındýstrııalyq progrestiń saldarymen betpe-bet kelip otyrmyz. Turaqtylyǵy turaqty ekonomıkalyq ósýdi qamtamasyz etetin dástúrli jetkizý tizbegin damytý úshin birlesip jumys isteý kerek. AQSh sondaı-aq taýar aınalymynyń sapasyn arttyrýǵa, avtomobılder men jartylaı ótkizgishter óndirisine qajetti mańyzdy metaldardy jetkizýge múddeli», dep atap ótti Ketrın Taı.
TIFA keńesiniń qatysýshylary jetkizý tizbekteriniń turaqtylyǵyn arttyrý jáne ekonomıkany ártaraptandyrý úshin qajetti jańa saýda joldaryn ázirleý máselelerin talqylady.
