Aqtóbede qar tazalaý jumystary qarqyndy júrip jatyr

AQTО́BE. 17 qańtar. Aqtóbe óńirinde qys jyldaǵydan erterek tústi. Sońǵy kezderi  japalaqtap jaýǵan qar qala kóshelerin toltyryp úlgerdi. Osyǵan baılanysty «Aqtóbe qalalyq turǵyn úı-kommýnaldyq sharýashylyq, jolaýshy kóligi jáne avtomobıl joldary» bólimi men qar tazartý jumystarymen aınalysatyn mekemeler jumysqa qyzý kirisip ketti. Bul týraly egemen.kz tilshisi habarlady. Bıyl qala kóshelerin qardan tazartý jumystaryna 92 mıllıon teńge qarjy bólinip, bul baǵyttaǵy sharýalardy júzege asyrý on bes mekemege júktelgen eken. Olar – «Tazalyq», «Aqjol», «Erhat joldary», «Boshan transavto», «RKDS», «Aqtóbespesstroı», «Elim Aqtóbe», «Dorojnık», «Aqtóbe – taza qala», «KTP», «AGDS», «Alǵa-jolsıstems», «Tabys-Aqtóbe», «Kokvest» jaýapkershiligi shekteýli seriktestikteri men «Mataı» sharýa qojalyǵy. Al ótken jyly bul sharýalardy toǵyz mekeme atqarǵan bolatyn. Qardyń mol túsýine baılanysty keıbir mekemeler ózderine qarasty aýmaqty tazartyp úlgere almaǵandyqtan bıyl mekeme sany ósipti. Qazir qalada táýlik boıy kezekshilik uıymdastyrylyp, tıisti mekemeler kóshe qarlaryn tazartyp jatyr. Qarasha aıynan bastap osy kezge deıin deıin 3 myń tonnaǵa jýyq qar qala syrtyna shyǵarylǵan. Satybaldy Sáýirbaı. Derek: egemen.kz. Sýret: diapason.kz.