Alaıda bul prosessti qalaı durys júzege asyrý kerek? Nesıege alynǵan kólikti satýǵa bola ma? Massaget.kz tilshisi taqyrypty zańgerlermen tildese otyryp zerttep kórdi.
Teorııada banktiń klıenti avtomobıldiń ıesi bolǵanymen, biraq is júzinde onyń quqyqtary qaryz tolyq ótelip bitkenshe shekteledi. Iаǵnı, menshik ıesi avtomobıldi satýǵa, ony basqa túske boıaýǵa múmkindigi joq. Tipti aı saıynǵy tólemderdi keshiktirgen jaǵdaıda bank menshik ıesinen mashınany alyp, kólikti ózge adamǵa sata alady.
Nelikten adamdar nesıege alǵan kólikterin satady?
Bizdiń elde avtonesıeni 7 jylǵa deıin rásimdeýge bolady. Alaıda osy ýaqyt aralyǵynda adamdardyń ómirinde túrli ózgerister oryn alýy múmkin. Keıde problemalardy tek temir tulparyn satý arqyly sheshýge bolady. Nesıege alynǵan kólikti satýǵa negizgi sebepter:
Qarjylyq jaǵdaıdyń nasharlaýy;
Turaqty tólemderdiń tym kóp bolýy;
Otbasyndaǵy kiristi arttyrý;
Bastapqy jarnaǵa aqsha salyp, jańa aýqymdy kólik alý;
Tıimdi usynystar (arzan úı, jer teliminiń paıda bolýy);
Klınıkada emdelý nemese balasynyń oqýyna aqsha tóleý.
Foto: instagram.com \ zanger.berdimurat
- Nesıege alynǵan kez kelgen kólik quraly bankte kepilde turady. Menshik ıesine mashınany ózge adamnyń atyna aýdarýǵa múmkindik joq. Bul kólikti satý kezinde satyp alýshy banktegi bereshekti tolyq jaýyp, buǵattan shyǵarylǵan kólikti óz atyna aýdaryp jatady. Keıbir jaǵdaılarda ǵana banktegi nesıeni ózge adamnyń atyna ózgertý, ıaǵnı banktik satý-satyp alý shartyn, banktik nesıe shartyn úılestire otyra 3 jaqty kelisiminen ótip, qaıta jasaqtalyp jatady. Biraq bul óte qıyn, uzaq prosess. Sondyqtan nesıede turǵan kólikti satýshy avtokóliktiń nesıede turǵanyn aldyn ala eskertip jazyp qoıýy tıis, - deıdi zańger Berdimurat Hasenuly.
Sondaı-aq zańger kólikti kepilden shyǵarý kezindegi barlyq prosessti tolyq bilý kerek deıdi. Sebebi keıbir jaǵdaılarda avtokólikti nesıeden shyǵaryp beremin dep aldap ketetin adamdar bar. Aqshany alyp izim-ǵaıym joǵalady nemese belgili bir sebeptermen bankten kólik shyqpaı qalatyn sebepter kóp. Sondyqtan senimdi adam bolmasa, nesıede turǵan kólikti kepilden shyǵarý úshin táýekelge barýdyń qajeti joq.
Banktiń aldyndaǵy bereshekti sońǵy tıynyna deıin ótep bolǵan jaǵdaıda kepilden shyǵarady. Mundaı jaǵdaıda kólikti satýdyń birneshe nusqasy bar.
Kólikti satýshy satyp alýshyny ózi taba alady;
Nesıeni qaıta resimdeýge múmkindik;
Bank arqyly avtokólikti satý;
Avtokólik dılerindegi saýda qyzmetteri.
Alaıda zańger osy kezge deıin kepilde turǵan kólikti alamyn dep aldanyp qalǵan adamdar kóp ekenin aıtty. Alaıaqtyqqa sebep ekinshi deńgeıli bankter emes avtolombardtar. Olardyń mehanızimin Berdimurat Hasenuly bylaı túsindirdi.
- Ashat degen azamat óziniń kóligin aparyp lombardqa kepilge qoıady. Biraq ol kólikti buǵan deıin basqa adamnyń atynan satyp alyp óz atyna aýdarmaǵan. Ol kólik basqa adamnyń atynda, máselen Medettiń atynda bolýy múmkin. Medetten ol kólikti satyp alý shartyn jasap aılyq bólip tóleýge kelisip alǵan bolýy yqtımal. Aparyp sol kólikti lombardqa ótkizedi. Lombard ol kólikti qabyldap alady. Nege? Sebebi ol avtokóliktiń kilti, qujaty jáne kólik quraly sol adamnyń ıeliginde júr. Al kóliktiń qujaty men kilti bir adamǵa senip tapsyrylǵan bolsa ol urlanǵan bolyp eseptelmeıdi. Osylaısha lombard ol avtokólikti HQKO arqyly blokqa qoıady. Osy kezde Medet kóligin surap Ashatqa habarlasady. Al Ashat men seni tanymaımyn, kólik qaıda ekenin bilmeımin dep alaıaqtyq jasaıdy. Medet ol kólikti izdep lombardqa barady. Biraq ol kólikti ala almaıdy. Nege? О́ıtkeni ony Ashat degen azamattan qabyldap alǵan. Zardap shegýshi Medet bolyp shyǵady.
Sodan keıin ol kólikti Lombard Medettiń qarsylyǵyna qaramastan kepilden shyǵaryp satyp jiberedi. Sodan belgili bir ýaqyt ótkennen keıin Medet aryz jazady. Osy kezde kólikti satyp alǵan úshinshi adam, Aınur delik aıaq astynan onyń kepilde turǵanyn túsinedi. Ol kóliktiń buǵan deıingi daýly oqıǵalaryn biledi. Osyndaı alaıaqtyq shemamen óziniń atyna zańdy túrde HQKO nómir alǵan adamdardyń ózi keıin kólikti sata almaı, jáı ǵana minip júr. Iаǵnı ol kólikti siz qoldana alasyz, biraq ózińizdiń atyńyzdan shyǵaryp tastaı almaısyz.
Bul jerde alǵashqyda kólikti bólip tóleýge bergen Medet pen kólikti satyp alsada basybaıly menshikteı almaı júrgen Aınur zardap shegedi. Al lombard óziniń aqshasyn alady. Sebebi Aınur odan kólikti satyp aldy. Osy syndy keıster qoǵamda óte kóp. Sondyqtan kólikti satyp almas buryn onyń buǵan deıingi tarıhyn tehnıkalyq qujaty arqyly jaqsylap zertteý kerek, - deıdi zańger.
