Aksııany iri kásiporyndar da qoldady

Pavlodar oblysy kásip­ker­ler palatasynyń úndeýimen óńir­­diń kásiporyndary ózderi or­nalasqan eldi mekender aınala­syn abattandyrý, tazartý boıyn­sha ke­­shendi is-sharalardy júr­gizip jatyr. Aksııaǵa «Tandem-PV» JShS da belsendi túrde qo­syl­dy. Ujym basshysy Pavel Gorbachev qolastyndaǵy qyz­met­­ker­­lerimen birge serik­tes­tik mańyndaǵy kóshelerdiń ta­za­­lyǵyn qadaǵalap, tyrmalary­ men kúrekterin qolǵa alyp, tro­t­­ýar­lardy qoqystan tazartty.

«Bizdiń halqymyz ejelden tabı­ǵatqa, óz úıiniń jáne aına­lasynyń taza bolýyna uqypty qaraǵan. Elimizde osy ıgi dástúrlerdi jańǵyrtýǵa ar­nalǵan «Taza Qazaqstan» aksııa­sy ótip jatqany qýantady. Osyn­­daı birlesken is-qımy­ly­myz­dyń nátıjesinde biz aınala­myz­dy únemi muntazdaı taza etip ustaı alamyz», deıdi kompanııa dırektory P.Gorbachev.

Igi bastamadan «Kaýstık» AQ qyzmetkerleri de shet qalǵan joq. Munda 129 túp kóshet otyr­ǵy­zyldy. Zaýyt janyndaǵy jasyl beldeýde bóriqaraqat, sheten jáne tobylǵy aǵashtary paıda boldy. Kompanııa basshy­ly­ǵy bul júıeli abattandyrý jumystarynyń barlyǵy óz qyzmetkerleri men qala tur­ǵyn­dary­nyń jaıly ómir súrýi úshin júrgizip otyrǵandaryn aıtady.

Al IneÝ kolledjiniń stý­dent­­teri aksııa aıasynda oblys orta­­lyǵyndaǵy jerasty ótkelin be­zen­dirý maqsatynda «Súıikti qa­lam» art-chellendjin bastap ketti.

Qazirgi kúni jer-jerdegi jas­tar ortalyqtary men jas­tar­­dyń qoǵamdyq uıymdary da ta­za­lyq jumystaryn belsen­di ári turaqty túrde ótkizip jatyr.

Pavlodar oblysy