Shaıqoryqtaǵy emhana

Jyl basynda ótken Úkimet otyrysynda Densaý­lyq saqtaý mınıstri Aq­ma­ral­ Álnazarova 2024 jyly qanatqaqty ­jo­ba aıasynda 655 nysandy paıdala­nýǵa berý josparlanyp otyrǵa­nyn aıt­qan bolatyn. Mınıstr joba aıasyn­daǵy jumystar elimizdiń bar­lyq qıyrynda josparǵa sáıkes atqa­ry­la­tynyn tilge tıek etken edi. Ult­tyq joba sheńberinde Jambyl obly­synda qandaı jumys qolǵa alynyp ja­tyr?

Oblys ákimdigi densaýlyq saqtaý basqarmasynyń basshysy Janar Ospanova keltirgen derekke júginsek, ótken jyly medısına salasyn damy­týǵa qazynadan 14 mıllıard teńge qaras­tyrylǵan. Jalpy alǵanda 24 nysannyń qurylys jumysy júrgizilse, onyń 10-y «Aýylda densaýlyq saqtaýdy jańǵyrtý» ulttyq jobasy aıasynda iske asqan.

Qanatqaqty joba aıasyndaǵy ju­mys­­tar bıyl da sátimen jalǵasyp jatyr. О́ńirde uzyn sany 26 densaýlyq saq­taý nysanynyń qurylys jumysy qolǵa alynǵan bolsa, onyń 20-sy «Aýylda densaýlyq saqtaýdy jań­ǵyr­tý» ulttyq jobasyna engen. Bir sóz­ben aıt­qanda, shalǵaıda jatqan birqa­tar aýyldaǵy ambýlatorııa máselesi osy jyly ult­tyq joba aıasynda sheshi­min tabatyn kórinedi.

О́ńirde jospardaǵy nysandardyń alǵashqysy paıdalanýǵa berildi. Ob­lys ortalyǵyna taıaý mańdaǵy Shaı­qoryq aýylynyń 6 myńǵa jýyq hal­qy ilgeride toz-tozy shyqqan eski ǵı­ma­ratqa táýeldi bolǵan edi. Ol az deseńiz, dıagnostıka men taldaý jasaý úshin jergilikti halyq 25 shaqyrym qashyqtyqty artqa tastap, aýdan ortalyǵy Asa aýylyna sabylatyn. Aýyl­dyqtardy alańdatqan ózekti másele ulttyq joba aıasynda sheshimin taýyp otyr.

Jaqynda Shaıqoryqtaǵy jańa ambýla­to­rııaǵa Úkimet basshysy Oljas Bekte­nov at basyn buryp, joba aıasynda qolǵa alynǵan jumystardy zerdeledi. Eldi meken turǵyndary saryla kútken sý jańa emdeý mekemesinde arnaıy zerthana, ÝDZ, EKG jáne basqa da asa qajetti qurylǵylar bar. Bir sózben aıtqanda, aýyldaǵy aǵaıyn armandaǵan ambýlatorııada negizgi qurylǵylar jetkilikti.

Jalpy alǵanda, Prezıdent basta­masymen qolǵa alynǵan «Aýylda den­saý­lyq saqtaýdy jańǵyrtý» ult­tyq jobasynyń jergilikti halyq úshin de, bılik úshin de paıdasy zor. Máse­len, joba aıasynda atqarylǵan jumys nátı­jesinde tozyǵy jetken medısı­nalyq ǵımarattardyń qarasy azaıady. Bul kórsetkish kúni búginge deıin
40,3 paıyzdy quraǵan bolsa, osy jy­ly qurylysy aıaqtalatyn nysandar ese­binen kórsetkish 36,5 paıyzǵa deıin tómendemek.

Qalaı desek te keıingi jyldary óńir medısınasyn órkendetýge aıryqsha ba­symdyq berilip otyr. Naqtyraq aıtar bolsaq, 4,5 mıllıard teńge qara­jatqa 125 birlik medısınalyq qural jab­dyq pen 30 sanıtarlyq avtokólik satyp alyndy. Sondaı-aq jergilikti bı­­lik dári­gerlerdiń tapshylyǵyn joıý, aq halatty abzal jandardyń bi­lik­­­tiligin arttyrýǵa da aıryqsha den qoıǵan.

Jambyl oblysy