Bilim sapasyn joǵary nátıjege jetkizýde oblystyń ár aýdanyndaǵy bilim oshaqtary, sonyń ishinde Á.Málkeev atyndaǵy oblystyq «Bilim-ınnovasııa» lıseıin, Ile, Qarasaı, Eńbekshiqazaq aýdandary, «Arystan» lıseıi men «Dana» jekemenshik mektepteriniń úlesi zor ekendigi erekshe ataldy.
– «Mektep qabyrǵasyndaǵy jetistikter – Memleket basshysy Qasym-Jomart Kemeluly Toqaevtyń bilim salasyna degen erekshe kózqarasy men qoldaýynyń jemisi. Sonyń arqasynda oblysymyzda bilim salasy júıeli damyp keledi. О́tken oqý jylynda bilim sapasy 67,2 paıyzdy qurady. Bıyl mektep bitirgen 14 myń túlektiń 1 206-sy «Úzdik attestat», 946 bala «Altyn belgi» tósbelgisi ıegeri atandy», – dedi forýmda daryndy oqýshylardy quttyqtaǵan óńir basshysy Marat Sultanǵazıev.
Sapaly bilim alýmen qatar, erekshe darynymen tanylǵan óńirdiń bir top oqýshylarynyń esimi erekshe ataldy. Atap aıtsaq, Eńbekshiqazaq aýdanyndaǵy №1 Rahat orta mektebiniń oqýshysy, aýyldyq spartakıadada respýblıka boıynsha jalǵyz «absolıýttik jeńimpaz» atanǵan Nurıslam Abdýhamıt, «Bilim-ınnovasııa» lıseıiniń oqýshysy Mýslım Halel, Talǵar aýdany Gagarın atyndaǵy №8 mektep-lıseıiniń oqýshysy Angelına Aleksanova, «Arystan» lıseıiniń oqýshysy Mıras Ábdikesh, Qonaev qalasy orta mektep-gımnazııasynyń oqýshysy Aızere Qoıshyman, Ile aýdany 38-gımnazııa oqýshylary Aısha Bekmuhamet pen Mılana Fýrsova syndy ozattar. Olardyń talanty men jetistikteri is-sharaǵa jınalǵandardyń maqtanyshy men tańdanysyn týdyrdy.
Saltanatty jıynda jeńimpazdarǵa Almaty oblysynyń ákimi Alǵys hat tabys etti.
«Men Qonaev qalasynyń orta mektep-gımnazııasynyń oqýshysymyn. Daryndy balalar tiziminde bolý – men úshin úlken mártebe. Ustazdarymnyń kórsetken qoldaýlary men bergen bilimder arqyly men bolashaqta kóptegen jetistikke qol jetkize alatynyma senimdimin», – deıdi júzi bal-bul janǵan aǵylshyn tili seksııasy boıynsha respýblıkalyq olımpıada jeńimpazy Aızere Qoıshyman.
Sapaly bilim men boıyndaǵy darynyn, qabilet-qarymyn ushtastyra bilgen balalardyń bul kúngi qýanyshtarynda shek bolmady. О́zderine kórsetilgen qurmet – zor jaýapkershilik júkteıtinin sezinip, alda talaı jetistikke jetip, bıikterdi baǵyndyratyndaryna senimdi kúıde tarqasty.
Almaty oblysy
