Týǵan ultynan qany men janyn aıamaý, tula boıyndaǵy kıeli darynyn týǵan eline qaltqysyz jumsaý – tamyry tereńge tartqan uly adamdarǵa ǵana tán sıpat, Jaratqan boıǵa darytqan qasıet!
Uly Muhtardyń, uly Murattyń boıyndaǵy genetıkalyq kody, tegi – adamzat jaratylysynyń erekshe qubylysy.
Sóz aldaspanymen qara qyldy qaq jaryp, ár sát saıyn tiri ańyzǵa aınalǵan Áýezovterdiń búkil ómiri qazaǵym dep ótti, ultyna rýhanı altyn qazyq bolýmen ótti.
Qyrǵyz úshin Áýezovterdeı kúıgen, qyrǵyzǵa Áýezovterdeı jaqyn, bir tamyr bolyp búlkildegen, bir jan bolyp jasaǵan, bir qan bolyp aqqan adam ilýde bireý.
Janurany – Uly dala, Uly jurt –qazaq edi.
Janurany – qustyń qos qanatyndaı, tonnyń ishki baýyndaı, ekiniń biri, egizdiń syńaryndaı jaqyny qyrǵyz edi.
14 maýsymda uly adamnyń urpaǵy, ata murasyn, ata qasıetin qasterlep saqtap kelgen Murat Áýezov, Murat aǵamyz, Murat ustazymyz dúnıe saldy…
Uly aqıqatqa qaraı jol tartty…
«Murat aǵa, qosh!» deýge júrek shydamaı, amal joq qınalyp turǵan shaǵymyz bul.
Siz bul ómirde aqıqatty súıdińiz, shyndyqty tý ettińiz!
Osy kıeli qasıetpen máńgilik shyndyqqa qaraı bet túzedińiz... Rýh saparyńyz uzaq bolǵaı.
Qosh, Murat aǵa!..
Sultan RAEV,
TÚRKSOI halyqaralyq uıymynyń Bas hatshysy, qyrǵyz jazýshysy
