Foto: QR SIM
1990 jyly «Nevada-Semeı» aıasynda tanysqan sátten izgilik pen ultjandylyq, parasat pen adamsúıgishtik úlgisin kórsetip kelgen asyl aǵamen ár kezdesý qundy edi.
Armandas bolǵan alyp abyz Tóregeldi Sharmanovpen syılastyǵy zııalylar úndestiginiń úlgisi boldy.
Sátimjan Sanbaev, Marat Sembın, Oljas Omaruly sekildi dostarymen suhbattasý baqyty buıyryp, olardyń Murat Muhtaruly týraly pikirlerin tyńdaǵanda ult múddesi úshin jastaıynan jasampazdyqpen kúresken, danalyq pen azamattyq bir boıynda toǵysqan tulǵanyń bıiktigi aıshyqtala túsetin.
Murat Muhtaruly tereń bilim men joǵary mádenıetti ystyq qaırat, nurly aqyl, jyly júrekpen ushtastyrýdyń úlgisi boldy.
Juma saıyn izgi tilegin joldap turýshy edi, ulyq Qurban aıt qarsańyndaǵy qasıetti juma kúni máńgilikke attandy.
Uly azamattyń murasy, qaıratkerligi, zııalylyǵy, parasaty ultpen birge jasaı beredi.
Álıhan BAIMENOV,
qoǵam qaıratkeri
