Infografıkany jasaǵan – Záýresh SMAǴUL ,«EQ»
Memleket basshysynyń 50 mıllıon dollardan kóp qarjy salýǵa daıyn iri kompanııalarǵa «Bir tereze» qaǵıdatymen jan-jaqty qoldaý kórsetý týraly tapsyrmasy bar. Jańa tártiptiń artyqshylyǵy – ınvestorlardyń qujatty jınaý men daıyndaýǵa qatysýyn barynsha azaıtady jáne olardyń memlekettik organdarmen tikeleı baılanysyn shekteýdi kózdeıdi. Qajetti uıymdardyń qyzmetkerleri bir jerde otyrǵandyqtan, ınvestorlar tıisti ruqsat qaǵazdaryn bir jerden ala alady. Ulytaý oblysynda «Bir tereze» qaǵıdatymen «Ulytaý» áleýmettik-kásipkerlik korporasııasy bazasynda ınvestorlarmen jumys jónindegi front-ofıs ashý jumystary júrgizilip jatyr.
О́z kezeginde otandyq jáne sheteldik ınvestorlarǵa ekologııalyq normalardy saqtaý, jańa jumys oryndaryn qurý, oblysqa ınvestısııa quıý jáne áleýmettik mindettemelerdi oryndaý sııaqty talaptar qoıylady. Eger ınvestorlar qandaı da bir zańsyz kedergige tap bolsa, prokýratýra oryndaryna shaǵymdana alady. О́ńirde Bas prokýrordyń buıryǵymen «Investorlardy qorǵaý boıynsha prokýrorlyq fıltr» jobasy engizilip, jumys istep tur. Investısııa salasyndaǵy zańnamanyń saqtalýyn qamtamasyz etýge jáne zańsyz áreketterdiń aldyn alýǵa baǵyttalǵan joba jemisin berip keledi. О́ıtkeni bul ınvestorlar men memleket arasynda tyǵyz baılanys ornatýdyń bir tetigine aınaldy. Osyndaı naqty qadamdardyń nátıjesinde aımaqqa sheteldik ınvestorlar kelip, alǵashqy jobalaryn bastap ta ketti.
«Jalpy, oblysta shetel ınvestorlarymen baılanys ornatýǵa júıeli jumys júrgizilip jatyr. Qazir jalpy quny 560 mlrd teńge bolatyn tikeleı sheteldik (Qytaı) ınvestısııa kómegimen jańartylatyn energııa kózderi salasyndaǵy jobalar iske asyrylyp jatyr. Olardyń arasynda bıyl jeltoqsan aıynda paıdalanýǵa beriletin quny 35 mlrd teńge turatyn Jezqazǵan jáne Sátbaev qalalaryndaǵy jel elektr stansasy, Jańaarqa aýdanyndaǵy qýaty 3,4 mlrd kılovatt/saǵ bolatyn jel energetıkalyq stansasynyń qurylysy men Jezqazǵan qalasyndaǵy jel energetıkalyq stansasy munaralarynyń metall konstrýksııalaryn óndiretin zaýyt sekildi jobalar bar», deıdi Ulytaý oblysy Kásipkerlik jáne ónerkásip basqarmasynyń basshysy Danııar Arynǵazın.
Aıtýynsha, oblysqa ınvestısııa tartý kólemi ósken. 2023 jyldyń qorytyndysynda negizgi kapıtalǵa 210 mlrd teńge kóleminde ınvestısııa salyndy. 2022 jylmen salystyrǵanda ósim 35%-ǵa ulǵaıdy (2022 jyly 155,6 mlrd teńge ınvestısııa salynǵan).
Bıyl 280 mlrd teńge kóleminde ınvestısııa salý josparlanyp otyr. Oblys kóleminde 2023–2027 jyldarǵa arnalǵan 1 955 jumys ornyn qurý úshin jalpy quny 741 mlrd teńgege 27 ınvestısııalyq jobanyń pýly qalyptastyrylǵan.
Investısııa tartý arqyly ekonomıka alǵa jyljıdy. Jumys oryndary ashylady. Jańa qyzmet túrleri paıda bolyp, ónim óndiriledi. Aımaqta ınvestısııalyq jobalardyń qarqyn alyp kele jatqany qýantady. Bul jańa oblystyń kemel kelesheginiń kepili ispetti.
Ulytaý oblysy
