«Qıyn aýdandaǵy» kisi ólimi

Pavlodar qalasyndaǵy ­Mút­­­­ke­nov kóshesi, №53 meken­ja­­ıyn­da ornalasqan kóp­qa­bat­­­ty tur­ǵyn úıdiń aýmaǵy, po­lı­seı­lerdiń tilimen aıtqan­da, «qıyn aýdan». Ishimdikke salyn­ǵandar, túrmede jazasyn ótep kelgenderdiń deni osy mańaıdy jaǵalaıdy. Ásirese úı aldyn­da bala-shaǵanyń oınap júrgeni­­ne qaramaı, jınalyp, alko­gol­di ishimdik iship otyratyn­dar barshylyq. Bir qaraǵanda, sonaý 90-jyldardyń ortasynda­ǵy kóriniske uqsaıtyny da ras.

Osydan eki jyl buryn dál osy jerde kisi ólimi boldy. Álgi úıde turatyn er adamnyń biri araq iship otyryp abaısyzda kórshisin ıterip jiberip, óltirip aldy. Qylmys jasaǵan dál sol azamat arada eki jyl ótkende ózge kórshisiniń qolynan qaza tabatynyn kim bilgen. Osydan eki jyl burynǵy kisi ólimi 16 maýsym kúni bolǵan eken. Araǵa eki jyl salyp, zulmat dál sol kúni qylmyskerdiń óz basyna oralyp otyr. Kórshileri muny kek alý, aldyn ala oılastyrylǵan qyl­mys dep esepteıdi.

О́ńirlik polısııa depar­ta­mentinen habarlaǵandaı, 16 maýsym kúni atalǵan úıdiń ­aýlasynda er adam óz kórshi­sin pyshaqpen birneshe jeri­nen jaralap, óltirgen. Oqıǵa kýá­gerlerdiń kózinshe órbip, kór­shileri birden jedel jár­demge habarlasqan. Alaıda ke­lip jet­ken medısınalyq brıga­da arystaı azamattyń sol jer­de jantásilim etkenin anyqtady.

«Qazirgi ýaqytta kúdikti usta­lyp, Pavlodar qalasy polısııa basqarmasy ýaqytsha ustaý ızolıatoryna qamaldy. Kisi ól­tirý faktisi boıynsha tergeý júr­gizilip jatyr. Qylmystyń mán-jaıy men sebepteri tergeý barysynda anyqtalady», dep habarlady Soltústik polısııa bólimi basshysynyń orynbasary Jaras Ibraev.

Kórshileriniń sózinshe, qaı­tys bolǵan adam osydan eki jyl burynǵy qylmysy úshin túrmede bir jarym jyl otyryp kelgen. Jaqynda bosap shyqqan ony ózge bir kórshisi kek alý maqsatynda óltirgenge uqsaıdy. Sebebi ol qylmystyq áreketin júzege asyryp bolǵan soń, eshqaıda qashpaǵan. Pysha­ǵyn ustaǵan kúıinde kireberis aldyna otyryp, asyqpaı polı­seı­lerdiń kelýin kútken.

PAVLODAR