Sýrette: soldan ońǵa qaraı: Ulytaý oblysy Ardagerler Keńesiniń tóraǵasy Saǵyndyq Qojamseıitov, Qyzylorda oblysy Ardagerler Keńesiniń tóraǵasy Serik Dúısenbaev.
«Uly ǵalym Qanysh Imantaıuly Sátbaevtyń týǵanyna 125 jyl tolýyna oraı oblys basshylyǵy Ulytaýǵa ardagerlerdiń saparyn uıymdastyrýǵa uıtqy boldy. Bizge arnaıy jaıly avtobýs bóldi. Ulytaý - tarıhı eskertkishterge baı ólke. Ejelgi dáýirlerdiń jádigerleri tunyp turǵan aımaqqa buryn-sońdy joly túspegen ardagerlerimiz bul qamqorlyqqa qýanyp qaldy. Maqsatymyz - elmen, jermen tanysý, bilisý, tájirıbe almasý», degen Serik Ábishuly ulytaýlyq azamattarǵa qushaq jaıa qarsy alǵany úshin alǵys bildirdi.
Elimizge tanymal jyraý Ádilhan Qýańbaev Syr eliniń júrekjardy sálemin arnaýmen jetkizdi.
Qyzylordalyq ardagerlerdiń qurmetine jaıylǵan dastarhanda olardyń saparlaryna oblys ákimi Berik Ábdiǵalıuly, oblystyq Ardagerler Keńesiniń tóraǵasy Saǵyndyq Qojamseıitov, oblys prokýrory Jasulan Elamanov, «Qazaqmys» korporasııasy» JShS janyndaǵy Ardagerler Keńesiniń tóraǵasy Tólegen Búkirov, Q.Sátbaev atyndaǵy mýzeıdiń dırektory Kenjal Balkenov sáttilik tiledi.
Ardagerlerdiń arasyndaǵy eń úlken aqsaqal, seksenniń segizindegi Seráli Álimbaev aqsaqal: «Jasymnyń ulǵaıyp qalǵanyna qaramastan Ulytaýdy kórip, tarıhı oryndardy aralaǵym keldi. Sondaı múmkindik týǵyzǵan Qyzylorda oblysynyń ákimi Nurlybek Nálibaev, bizderdi quraq usha qarsy alǵan Ulytaý oblysynyń ákimi Berik Ábdiǵalıuly bastaǵan azamattarǵa alǵysym sheksiz. Eki eldiń yntymaqty, birlikti murat tutqan tirlikteri tabysty bola bersin», dep aq batasyn berdi.
Jezqazǵan
