Foto: Vıtalıı Tımkıv
Anyqtalǵandaı, zardap shekken bala anasyna asúıde kómektesken, sol kezde elektrondy ettartqysh balanyń qolyn tartyp ketken. Dárigerlerdiń aıtýynsha, naýqas aýrýhanaǵa qoly ettartqyshqa keptelgen kúıinde jetkizildi.
«Bala et tartyp otyrǵanda qolynda matadan tigilgen qolǵap bolǵan. Elektrondy ettartqysh matany orap áketip, balanyń saýsaqtaryn da tartyp ketken. Nátıjesinde hırýrgtar men travmatologtar naýqasqa shuǵyl ota jasady», dep túsindirdi Eńbekshiqazaq kópsalaly ortalyq aýdandyq aýrýhanasy dırektorynyń emdeý isi jónindegi orynbasary Dıana Súleımanova.
Aıta keteıik, dárigerler balanyń qoly men eki saýsaǵyn aman alyp qaldy. Biraq qatty zaqymdanǵan úsh saýsaqty saqtap qalý múmkin bolmady.
«Bes saýsaqtyń ekeýi – bas barmaq pen kishkentaı saýsaqty aman alyp qaldyq. О́kinishke qaraı, úsh saýsaqty saqtap qala almadyq, ettartqyshta julynyp ketken. Bala shokta boldy. Biraq esin biledi, suraqtarǵa da jaýap berdi», dep tolyqtyrdy dáriger.
