Jýrnalısterdiń tól merekesi qarsańynda «Jańarý» jalpyulttyq qoǵamdyq birlestigi arnaıy jıyn ótkizip, BAQ ókilderin jemqorlyqpen kúreske baılanysty ortaq iske birlese jumylýǵa shaqyrdy. Jıynda memlekettik qurylymdarda, qoǵamnyń barlyq salasynda áshkerelengen jemqorlardyń aty-jónin, shyqqan tegin, júrgen ortasyn tolyq jazyp kórsetýdiń mańyzyn, ashy jarııalyqty jurttyń esine salyp otyrýdyń qajettigi aıtyldy.
Mádenıet jáne aqparat mınıstrliginiń janyndaǵy «Azamattyq bastamalardy qoldaý ortalyǵynyń» qoldaýymen «Jastardyń quqyqtyq saýattylyǵyn jáne quqyq qorǵaý organdaryna senim deńgeıin arttyrý is-sharalar keshenin ótkizý» atty áleýmettik joba aıasynda ótken is-sharaǵa elordalyq tanymal BAQ basshylary men ókilderi, stýdentter qatysty. Jıynda «Jańarý» birlestiginiń tóraǵasy Mels Semǵalıev, memleket jáne qoǵam qaıratkeri Oralbaı Ábdikárimuly, memleket jáne qoǵam qaıratkeri Darhan Myńbaı, «Bas redaktorlar klýby» qoǵamdyq birlestiginiń vıse-prezıdenti Muratbek Toqtaǵazın, «Elorda Aqparat» bas dırektory Oljas Sydyqbek, t.b. qonaqtar oı-pikirin ortaǵa saldy.
Is-sharada sybaılas jemqorlyqtyń aldyn alý jónindegi usynystardy jýrnalıstermen birge talqylap, jaýapty oryndarǵa birlese daıarlaý máselesi kóterildi. Bolashaǵyn jýrnalıstıkamen baılanystyrǵan stýdentter ózderin qyzyqtyrǵan saýaldaryn joldap, tushymdy jaýap aldy. Jıynǵa qatysýshy uıymdar, redaksııa basshylary, zańgerler, bolashaq jýrnalshylar sybaılas jemqorlyqqa qarsy kúreste kúsh biriktirý boıynsha memorandýmǵa qol qoıdy.
Kezdesý barysynda qoǵamdyq uıymdardyń, buqaralyq aqparat quraldarynyń sybaılas jemqorlyqqa qarsy memlekettik saıasattyń júzege asyrylýyna qatysýy, «Jańarý» birlestiginiń jastardyń quqyqtyq saýatyn jáne quqyq qorǵaý organdaryna degen senim deńgeıin arttyrý máseleleri de talqylanyp, jemqorlyqqa qarsy birlesip atqaratyn is-qımyldaryna baılanysty ıdeıalar men usynystar ortaǵa salyndy.
