Foto: istockphoto.com
Jedel járdem stansııasyna saǵat 16:00-de zaýyt medbıkesi qońyraý shalǵan.
«42 jastaǵy er adamnyń beti men eki bilegi kúıip, oblystyq aýrýhanaǵa jetkizildi. Biraq ol aýrýhanaǵa jatýdan bas tartty. Qoldary kúıgen 4 zardap shegýshiniń deneleri 5 paıyzdan 13 paıyzǵa deıin kúıip qalǵan, olar travmatologııa bóliminde em qabyldap jatyr», dep málimdedi oblystyq densaýlyq saqtaý basqarmasynyń baspasóz qyzmeti.
TJD jáne zaýyttyń baspasóz qyzmeti de kásiporynda órt bolmaǵanyn habarlady.
AFZ málimetinshe, jumysshylar kúldi tıeý kezinde kúıip qalǵan, olardyń 2-eýi – merdiger mekemeniń qyzmetkerleri. Oqıǵanyń mán-jaıyn ýákiletti organdar anyqtap jatyr.
