Foto: Kóliktegi polısııa departamentiniń baspasóz qyzmeti
Jelilik bólimniń úsh qyzmetkeri oqıǵa ornyna dereý kelip, polısııa bóliminiń órt sóndirgishterin paıdalanyp, adamdardy evakýasııalap, órtti sóndirýdi jedel bastap ketti. О́rt oshaǵy birinshi jáne besinshi qabattardaǵy elektr qalqanynan shyqqan eken.
Kólik saqshylary, atap aıtqanda, polısııa aǵa leıtenanttary Qaısar Iskendırovtyń, Janǵalı Týrekeshovtyń jáne qatardaǵy polısııa qyzmetkeri Mırlan Ishanovtyń órt sóndirýshiler kelgenge deıin jasaǵan jedel ári durys áreketteriniń arqasynda barlyq turǵyndar aman-esen evakýasııalandy, zardap shekkender joq. Sondaı-aq polıseılerdiń ońtaıly is-qımyldary qyzyl jalyndy órshitpeı, ony tolyǵymen sóndirýge múmkindik berdi.
«Podezdiń ishine kire almaısyń, qap-qarańǵy, tútin. Úsh bala kelip, bastaryn jaýyp, ústindegi kıimderin sheship kirip ketti. Júgirip, qarttardy, balalardy syrtqa shyǵardy. Kóp raqmet! Balalarǵa zor densaýlyq, qyzmette tabys tileımin», dedi úı turǵyndarynyń biri sheksiz alǵysyn bildirip.
Aldaǵy ýaqytta Kóliktegi polısııa departamentiniń basshylyǵy joǵaryda atalǵan qyzmetkerlerdi azamattardy qutqarýda kórsetken erligi úshin marapattaıdy.
Qyrmyzy JUMAǴALIQYZY,
EUÝ stýdenti
